اصبح النت لا يتمتع بالمصداقيه للاسف

اولا انا حابه ارحب في الجميع وانا عضوه جديده معاكم وحابه ترحبو في
ثانيا انا حابه اتكلم عن النت مليت من كتر ما ادخل عالنت ادور شي صادق للاسف لا ادري هوا العييب في النت او في جسمي

ادخل على خلطه تنحف في شهر 10كيلو و10 كيلو في اسبوع بدون ريجبم وكتيييير غير كدا لكن للاسف كلو كلام فاضي

عن جد اصبح عندي هاجس وعند الناس هاجس ينقلو مواضيع غير مضمونه ويقولو منقول

خلونا نتأكد ونجرب وبعدين ننقل اسفه طولت الكلام عليكم

ولكن من جد اصبحت نفسي انحف اجي على النت وادور مالاقي اللي يرضيني واصبحت ما اصدق اي كلام

ارجو تفاعلكم معايا واعطوني رايكم

حبيبتي انا بقولك شي لا تصدقين اي شي ينقال يعني بذمتك
10 كيلو بالاسبوع هادا تخريييف ومايصدق
اذا تبغي تنحفي من جد خليكي على ريجيم غذائي شوفي الي يناسبك ياكثر الريجيمات بالمنتدى
واهم شي اهم شي الريااااااااضه اشتركي معانا بمسابقات التحدي راح يحمسوك البنات ويشجعوك
على فكرا انا كنت زيك اقرا اي شي اقول واوا حلو وراح عمري وانا اجرب خلطات صدقيني ولا خلطه تنفع بدوووون نظام غذائي صحي ورياااااااضه واذا استمريتي على ها الشي راح تشوفي ان الخلطات تكون مساعده لك فقط ومالها اي دور اساسي (هادي وجهة نظريّّّّ)

موفقه حبيبتي ونتشرف فيكي معانا بالمنتدى

حبيبتي مااعليش من النت وبلااويه من الخرافاات من جد انتي تصدقي 10كيلوو باسبووع انتي جربي ماتااكلي ولا شي اسبووع ادا نقصتي 5كيلووو لج الي تبيه لان مابتقدري تقااومي الجووع اخديها بالعقل الاسبوع 7ايااام انقص فيها بحدود 4كيلو كحد اكبر للنزول ممكن اماا 10كيلو مستحيله بدون تجربه
ادا تبي الكلاام الصادق ادخلي قروباات المسابقاات وتلاقي الي ينحفش معاانا موفقه الى كل خير :)

كلام (يدق قلبي بوجودك )صحيح 100%

صح كلامك مو بس كده كمان تطنييش الناس للاعضاء الجدد...

ومنهم انا الي مطنشناني البنات ...

على العموم مشكوورة حبيبتي ...