السلام علكم و رحمة الله و بركاته
ازيك ياأحلى دكتورة
نا عايزة أعرض عليكي مشكلتي و آسفة لو طولت مقدماً
أنا متزوجة بقالي 7 شهور و الى الآن لم يحدث لي حمل روحت لدكتورة أمراض نساء قالت لي عندك تكيس في المبايض و عامل لك ضعف تبويض كتبت لي الكلوميد من ثالث يوم الدورة و لمدة 5 أيام
و عملت لي متابعة للتبويض فقالت لي الحجم بتاع البويضة صغير جدا بعد الكلوميد هو عمل 3 بويضات حجمهم 7,8,9 و بعد كدا ادتني حقنة منشطة و شافت التبويض تاني فقالت لي ان حجم البويضة أصبح 16 و مش هينفع بردوا الحمل
روحت لدكتورة تانية و قالت لي الكلوميد لازم أخده لمدة 3 دورات متالية و فعلا أخذته في الشهر الاول كان التبويض حجمه كويس و لم يحدث حمل في الشهر الثاني كان حجم البويضة 2 ادتني حقنتين تفجيرية و قالت لي تاخدي الحقن دي الصبح و يحد جماع بالليل و تأخرت الدورة 3 أيام و نزلت تاني في الشهر الثالث و الأخير الي هو أنا دلوقتي فيه أخذت بردوا الكلوميد و عملت السونار يوم الخميس اللي هو متابعة البويض و قالت لي البويضة حجمها 22 و قالت لي خدي الحقنتين التفجيريتين دول و بردوا الحقن آخذها الصبح و الجماع يكون بالليل و أنا لسة آخده الحقن النهار دا من حوالي 3 ساعات
مع العلم أن زوجي عمل تحليل طلع عنده نسبة اللزوجة علية و لكن الحمد لله نسبة اللزوجة خست بالعلاج
قولي لي يا دكتورة انا أعمل ايه أنا هتجنن و الله بقالي 7 شهور متزوجة و تعتبت من كتر العلاج و حاسة اني فقدت الأمل
هو كل شيئ طبعا بيد الله و بأمره و لكن أعمل ايه بالله عليكي دليني أعمل ايه في حالتي دي
ردي عليا بسرعة و جزاكم الله خيرا أحسن انا و الله نفسيتي تعبت أوي