تسمحولى انى انضم معاكووووووووو
وانا وزنى 59.5ك
وهدفي انو يكون 52ك
وطولى 163سم
وانا حاليا ماشيه في بدايه رجيم مع دكتور علشان اخس من6الي8كيلو في الشهر
والنظام ده مالوش اي اعراض جانبيه ولو عاوزين تمشوا معايا عليه اهوه
الفطار
بيضه واحده مسلوقه او 3ملاعق فول او قطعه جبن قريش
تختاروا اي حاجه ومعاهانص رغيف عيش اسمر وممكن كوب شاي بس بدون لبن
الغداء
ربع فرخه او قطعه لحم او 2سمكه مشويه بلطى او علبه تونه بس نصفي الزيت منها او 2بيضه مسلوقه
نختار اى حاجه ومعاها نص رغيف او 5ملاعق رز او مكرونه
وطبعا قبل الاكل طبق السلطه الكبير ونعصر عليه نص ليمونه
العشاء
كوب زبادى او كوب شاي باللبن او طبق جيلى بدون سكر او قطعه جبن قريش
وممكن ناكل اصبعين بقسماط بس مافيش عيش في العشاء
وعندنا يوم بريك بعد كل 6ايام ناكل فيه اى حاجه بس باغتدال ولو حبينا نشرب مياه غازيه نشرب شويه قليلين خالص ده طبعا في يوم البريك بس
ولازم نشرب اثناء الرجيم 2كوب ماء قبل كل وجبه بنص ساعه ومانشربش بعد الاكل مايه مباشره
وهنحاول نستبدل الشاي بمشروب تانى هوا مكون من معلقه شاي اخضر ومعلقة نعناع ومعلقه رجل الاسد ونغليها في كوب ماء ونشربها بعد كل وجبه
وان شاء الله ربنا يوفقنا ونخس
بس ادعوا معايا وقولوا ياااااااارب
