انا و السمنة

السلام عليكم ..
أبي أستفيد من تجاربكم يا بنات ..
كنت أسمن بنت في العيلة ..
لكن اتبعت أكثر من دايت و نحفت لين 164 كيلو ..
و من ثلاث ايام وزني ماهو راضي ينزل حتى ربع كيلو ..
حاسة ان جسمي ضيق عليا أجل كيف ملابسي ..
حتى عندنا ملكة بنت عمي بعد كم يوم ..
ما لقيت ولا فستان يدخل فيني ..
مو بس انا حتى بنت خالي أسمن مني مرتين ..
مسكينة بعد كل ولادة لها تسمن بشكل كبير ..
وهي صار لها 3 شهور والد ..
و جاها اكتئاب ما بعد الولادة ..
لين وصل وزنها 197 كيلو ..
و أول ما حملت كان وزنها 140 كيلو ..
اما اختي اللي اصغر مني وزنها 147 كيلو ..
لقت لها بالصدفة فستان بالسوق ..
الله يوفقكم يا بنات ..
ساعدوني جربت اكثر من شي و وزني ثابت من ثلاث أيام ..
و ربي يسعدكم

الله يعينج اختي

ديربالج على صحتج من هذي السمنه

وانا انصحج انج تراجعين عند اخصائي تغذيه واطلبي منه رجيم جدا قاسي عشان ينزل وزنج ..

لانه يمكن انا اعطيج دايت اكون مجربته بس ما ينفع وياج عشان جذي اطلب منج تروحين لدكتور

مو بس انتي الي تروحين
روحي انتي واختج وبنت خالتج .

روحو كلكم حق اخصائي وايد وسوو تحدي بيناتكم منو يلتزم اكثر بالرجيم وراجعوه كلكم ويا بعض ..

وشاركي بيوميات في المنتدى وبمسابقات
واشتركي في نادي رياضه يكون افضل عشان كل ما ضعفتي ينشد جسمج


والله يضعفج بصحه وعافيه ..

والله حبيبتي ما ادري كيف افديك لكني
بدعي لك بنخفاض الوزن ان شاء الله
الله يوفقك........

هلا اختي وحياج الله معانا
صبري عليه راح ينزل لاتستعجلين ولا تيااسين وهاي اهم شي
شدي حيلج بيومين فري بس بحساب دخلي الاشيااء الي ماتاكلينها ووجربي واذا ماتحرك جربي خلطة عصير البرتقال وملعقة خل وعس كل يوم اول ماتصحين لمدة 5 ايام مع رجيمج وان شاء راح يتحرررك
وحاولي تمشين كل يوم نص ساااعه لاتجهدين نفسج علشان ماتملين
ودخلي قسم التجارب وشوفي تجارب البنات وان شاء تستفيدين منهم ووبعد روحي قسم التمارين واختاري تمارين والله يحفنا بصحه وعافيه