كيفكم ياحلوين واخباركم مع الدايت ويارب كل وحده اليووم تنزل 3 كيلو
الطبخه مثل العنوان بالضبط دجاج بحماصة الخبز
وهذي صورة الحماصه
المقادير : صدر دجاج فيلية جزر وبصل اخضر وفلفل حار احمر او اخضر الكميه حطي قد ماتبغين لانها جميله ولذيذه مع الدجاج الطريقة: نقطع الخضار بالشكل الي تبغيه بس انا قطعتها بشكل طولي الدجاج يكون مبرد وزي ماهو حطي عليه بهارات وملح وفلفل اسود وليمون وشوية خل ابيض وخليهم بالصحن يمكن 5 دقايق حطي الخضورات كلها مع بعض على نار هادئه مع زيت زيتون لحد ماتذبل وطفي نجي للدجاج : ندهن الحماصه بزيت زيتون زين وبعدين نحط عليها قطعة الدجاج وتسمعي صوت الشوي وريحته يم يمي طبعاً تقفلي الشوايه عليها مثل الخبز << وكل 10 دقايق تقلبي القطعه على الوجهين وتغرزي السكينه وتقطعي بالشوكه اذا شكيتي في استوائه وبعد ماتخلص حطي عليها الخضار بالصحن والف هنا وشفا