فطائر فطائر فطائر,,,,من مطبخي
مجتمع رجيم / المعجنات وَ السندويشات
كتبت :
اميرة حلوة
-
شوفو اليوم وش عملت....هذه الحوايج اللي تخصكم يا حلوين
400غ فرينة
شوية ملح
2ملاعق كبيرة نشاء
3ملاعق كبيرة سكر عادي
2ملاعق كبيرة زبدة طرية او سمن
بيضة وحدة
كيس خميرة حلويات يعني 2ملاعق صغيرة
ملعقة كبيرة خميرة خبز فورية
فانيلا او قشور ليمونة
حليب دافئ للعجن
ومربى لحشو الفطائر و سكر ناعم للتزيين
حطيت الخميرة وشوية سكر و حليب تتخمر 10 دقائق ثم نخلط جميييييييييييع المقادير الباقية.....نتحصل على عجينة طرية نعجنها شوية ونزيدولها شوية حليب حتى تحسيها تلتصق...ماتخافيش عليها كون تخليها شوية راح تتشرب الحليب و تصبح عجينة طرييييييييية و جميلة.....راح تعجبك
تحطيها تخمر و هي مغطية جيدا وهذا شكلها
احمليها برفق و ضعيها على طاولة مرشوشة بالفرينة دون اعادة عجنها..وابسطيها 2مم لانها راح تخمر شوية وكون تخليها سميكة بعدين كي تقليها راح تحسيها ثقيلة
اقطعيها بالطابع اللي تحبي او بالطريقة التقليدية اللي هي بالكاس و حطيها تخمر شوية
روحي الان سخنس الزيت ....راح تقلي الفطائر....كل ما تحطي وحدة ارمي عليها بحذر طبعا الزيت بملعقة حتى تنتفخ و تتكور.....يعني تجيك فارغة من الداخل...وما تنسيش الورق الماص للقلي حتى يتشرب زيت الفطائر....ضرووووووووووري
شوفي شكلها بعد القلي
و هنا كاين اللي رمدتها في السكر الناعم...يغني وضعتها في وسط السكر وكاين اللي فتحت جنبها بالسكين و حشيتها بشوية مربى و رشيت عليها السكر الناعم
ان شاء الله تعجبكم حبيباتي....وتفضلو معايا عازمتكم
.......في امان الله
