كل ام جديده تدخل معايا فى تحدى كل يوم لخسارة الوزن الى اكتسبته من الحمل والولاده

انا معاكم ان شاء الله ووزني زايد مرة بعد الولادة وامس بدأت الريجيم وكان عبارة عن فواكة ماعدا الموز والمنجا والعنب ممنوع ووزني حالياً 90 كيلو > ياااااااارب اوصل 55 كيلو وارتاح من الوزن الزائد ياااااااااارب

الشكر لله انا زى مقولت انا بتبع من فتره طويله نظام لحياتى انا من غير ريجيم مش عايزه اسميه ريجيم لانى زهئت من الكلمه دى خلاص يعنى بتبع الهرم الغذائى فى الاكل نشويات قليل خضروات كتير بروتين متوسط ولازن الفطار ده شئ اساسى سندوتش اى حاجه من البيت مع مراعات متكنش حاجه دسمه والغدا انا الى بطبخ وبتحكم فى كل كميه الدهون فى الاكل والكميه ولو عامله اكله دسمه مثلا زى المكرونه بعد مسلق المكرونه باخد اربع معالق واعمل بصل وطماطم وفلفل وتوم وبهارات وبشوحهم معها بتبقى اكله جميله وخفيفه وبكمل بقى طبعا مكرونه بالصلصله لان زوجى بيحبها جدا نفس الشئ مع كل الاكل باخد الى يفدنى بطبخ اللحمه بسلقها باخد قطعه ليه وبحمر الباقى لو هحمره اولو هعمل صنيه بطاطس باللحمه بعملها للبيت وممكن كده فى نهايه الاسبوع لو معزومه مثلا عند حد باكل البروتين ومعلقتين رز او خمس صوابع محشى بما ان معظم العزومات الى بيعملها المصريين فيها محشى عشان برده محدش يحس انى بقلل فى اكلى او ممكن يفتكروا ان الاكل مش عاجبنى والكلام ده ولو عايزه تعملى مثلا تخفيف زييى متعرفيش حد حوليكى عشان محدش يحبطك خليكى كده بهدوء مع نفسك ومعانا اعطى لنفسك فتره طويله شوفى انتى زيدتى فى الوزن ده فى قد ايه حاولى تنزلى وزنك فى نفس الوقت يعنى ست شهور سنه بكده الوزن ده عن تجربه مبيرجعش تانى بسهوله لانى نزلت 10 ك فى ست شهور ورجعت لحبط فتره كده بس الحمد لله مزدتش تانى لانهم نزلوا ببطئ ومن طريقه تخفيف الاكل دى بس المشايه كنت بمشى عليها مش بانتظام عشان مريومه واخده كل وقتى
وربنا معاكى تابعى معانا ولو لكى اى سؤال ممكن تطرحيه تفيدى وتستفيدى

يلا معانا نشجعك تشجعينا عشان تتفادى تخريب العشا بدل ميبقى عشاكى تفاحه مثلا هتجوعى طبعا لا ممكن تاكلى ربع رغيف سن مع بيضه او ممكن سلطه تونه او سندوتش لبنه صغير مع كبايه شاى بحليب فليل الدسم مع سكر الدايت ستفيانا او تروبيكانا هيخليكى متلخبطيش فى العشا ولا تحسى بالجوع ولو جعتى اشربى كاس ميه او خياره او جزره او خصايه التفاح بيجوع قوى وتقومى جرى بقى خلاص هتوقفى اكل تغسلى سنانك بالفرسه والمعجون بيدكى احساس ان خلاص مش هاكل تانى والنوم بدرى جميل برده والصحيان بدرى تقومى بقى الصبح جعانه جدا بس مرتاحه تفطرى فطول خفيف ولو حبيتى تزودى فى الفطار مفيش مشكله لان الفطار كله بيتحرق لو صاحيه بدرى على 8 كده
لكن الغدا يبقى بتعقل بالهرم الغذئى
وربنا يوفقك يارب تابعى معانا