مجتمع رجيمالاطباق المتنوعة

فته الشاورمااااااااااااا حصريا لسما الابداع









ازيكم يااحلي بنات
زهقتم من الطعم التقليدي للفته والشكل التقليدي للشاورما
تعالوا دوقوا احلي فته شاورما عملتها في العيد
وطبعا قلت لازم تشوفوها معايا


انا مدبحتش العيد ده بس ربنا اكرمني بحته لحمه ضاني جات لي هديه ومعاها كمان حته ليه
فأستغلتها وهي طازه وعملت بيها الفته


المقادير

اولا مقادير الشاورما

لحم ضاني او اي نوع مقطع شرائح رفيعه
قطع من الليه (دهن الخروف) مقطعه لقطع صغيره
بصله مقطعه
نص بصله مبشوره ناعم
ملعقه كبيره طحينه
فلفل اخضر
ملح وفلفل اسمر وتوابل الشاورما وقليل من الخل

ثانيا مقادير الرز
كوب واحد رز
كاري
حمص مسلوق ومملح

ثالثا مقادير الدقه
3فصوص ثوم مفرومين ناعم
ملعقه كبيره صلصه
خل
كمون وملح
3ملاعق كبيره زبادي
ملعقه كبيره طحينه

وهنحتاج مقدار رغيف واحد من الخبز الشامي
نقطعه مكعبات ونحمصه في الفرن تحت الشوايه

وايضا سنحتاج الي بعض الشوربه او المرق لعمل الفته


الطريقه

1-نتبل اللحم بالبصل المبشور ناعم والملح والفلفل الاسمر وتوابل الشاورما والخل وملعقه الطحينه (ملعقه من علبه الطحينه مش طحينه معموله) ونتركه حوالي 3 او 4 ساعات



2-نضع القليل من الزيت في طاسه علي النار ونحمر قطع الليه فيه ثم نضع فوقها اللحمه ونقلبها
ثم نهدي النار ونغطيها ونتركها حتي تنضج وان لزم الامر لاضافه بعض الماء نضيفه حتي تمام نضج الللحم
3-عند التأكد من نضج اللحم نرفع الغطاء ونضيف البصل المقطع الي شرائح والفلفل الاخضر ونستمر بالتقليب حتي يجف كل الماء وبذلك تصبح الشاورما جاهزه


4-في اثناء نضج اللحم نحضر الرز باضافه كوب من الماء عليه وربع ملعقه من الكاري ليكتسب اللون الاصفر (ممكن الاستغناء عنها) وملعقه من الزيت او السمن ونصف ملعقه من الملح ونتركه ينضج تماما كطهو اي نوع من الرز
5- بعد تمام نضج الرز نضيف عليه حوالي ربع كوب من الحمص المسلوق ونقلبه جيدا وهكذا يصبح الرز جاهز
6-الدقه..دقه رقم واحد... نحمر الثوم المفري في القليل من الزبد او الزيت وبمجرد ان يكتسب اللون الذهبي نضع الصلصه مذابه في القليل من الماء ثم الخل والملح والكمون وبعض من الشوربه
7-دقه..رقم اتنين..نضع الطحينه علي الزبادي مع بعض من الملح والشطه والخل او عصير الليمون ونقلبهم جيدا



8-الان نبدأ في تجهيز طبق الفته المميز هذه الفته تختلف عن باقي انواع الفته في ان الرز هو اللي تحت والخبز بيكون علي الوجهه فوق الرز
هنضع طبقه من الرز
فوقها القليل من الدقه رقم واحد
ثم طبقه من الخبز
فوقها بعض الحمص
والقليل من دقه رقم واحد ورقم اتنين



ثم نسقي الخبز والرز ببعض من الشوربه
واخيرا نضع الشاورما علي الوجهه ونغطي بها كل الخبز
ونزينها ببعض من الدقه والحمص والخيار والليمون
طبعا انا فاشله جدا في تزيين الاطباق وكل مااحاول ازين طبق يطلع شكله ملخبط
بس صدقوني الطعم لذيذ






وبالهنا والشفا
اتمني تعجبكم وتجربوها وتدعوا لي لان فعلا طعمها
روووووووووووعه
حجزت مكان اول رد

اعزرينى يا نهولة
لا لا لا لا

بجد رهييييييييييييييييييييييبة

انا سعيدة جدا انى لحقت اخد الطبق لأن اكيد هايحصل هجوم عليه

شكرا يا غدورة وطبعا ماينفعش ما جربهاش لأن شكلها بيخلى يجوووووع جدااااااا

تستاهلى احلى تقييم لأحلى غدورة فى الدنيا

اخد الطبق بتاعى بعيدا عن اعين الجيش اللى هايهجم عليه



سلام
مااشااءالله شكلها بتشهي
تسلم ايديتك اختي
تسلم ايديك حبيبي
والف مبروك الوسام والتقيم

دي لي انا ولا احلي كملنا الاكل
هههههه نهول تمشي تاكل في مطعم الليله
1 2  3