هريسة خفيفة ولذيذة يمي يمي
مجتمع رجيم / المعجنات و الحلويات
كتبت :
لجين الأسدي
-
الهريسة
حلو خفيف وسريع طيب وشكلو حلو ممكن تحطي على الوجه مكسرات بس انا عاملتا بلا مكسرات عشان بنوتاتي
طولت عليكم لح بلش بتمنى تعجبكم
المقادير
تلات حبات بيض
1كوب طحين
1كوب سميد
1كوب جوز هند
1كوب سكر
1كوب لبن
4\3كوب زيت
ملعقة فانيليا سائلة او باودر
1ملعقة بيج بودر
1ملعقة برش ليمون او برتقال
الطريقة
أول شي من جيب صنية متوسطة الحجم وندهنا بشوية سمنة او زيت ومن حط فوقها طحين ومنفردها عشان
الخطوة التانية منجيب البيض والسكر والفانيليا منخلطهم لمدة دقيقتين بسرعة متوسطة على الخلاط او يدوي مافي اي مشكلة ومن حط فوقهم اللبن والزيت مع تحريك بسيط وبعدين منبلش بالمقادر الناشفة الطحين بعدين السميد والجوز هند وطبعا البيج بودرومنحط برش الليمون ومنحركهم شوي ومنحطهم بالصنية وبالفرن على حرارة 200 لمدة 30 الى 40 دقيقة وممكن بعد نص ساعة تفتحي الفرن وتراقبيها اذا استوت وبس تحمر وتنضج في طريقتين يابتقدميها هيك وبضل خفيفة وطيبة يااااااا منساوي قطر او شيرة ويكون بارد ومنحط عليها اول ما نطلعها من الفرن وهيك بتكون الذ واطيب وخصوصا اذا كان عندك ضيوف جربوها ودعولي