مافينز المربى..راااائع...
مجتمع رجيم / ركن الحلويات
كتبت :
أم عمر و توتة
-
اخواتى الحبيبات...
بعد غياب عن القسم... (اقصد عدم وضع موضوعات جديدة..)..
على الرغم انى باعمل على طوووول الحمد لله..لكن اليومين اللى فاتوا
كانت نفسى مسدودة.... .و كنت متضايقة شوية..لا... شويتين..
حكيت مع فرفوووشة..و هى الله يسعدها شجعتنى تانى..
قلت..ايه اللى انا فيه ده.. لازم ادخل المطبخ
و اعمل حلو زى ما انا متعودة...
اييييييييييه المقدمة الطويلة اللى ما لهاش لازمة ديه..ادخل فى الموضوع احسن...
يالا بينا..
هو حلو سهل و بيطلع لذيييييييييييذ جـــــــــــدا..
المقادير: 2 بيضة + فانيليا
نصف كوب سكر / 2 كوب دقيق / 4 ملعقة كبيرة زبدة طرية /كوب زبادى / 1 و نصف ملعقة صغيرة بيكنج بودر/نصف ملعقة صغيرة بيكربونات / ربع ملعقة صغيرة ملح / مربى (انا استعملت مربى مشمش و مربى فراولة).
الطريقة :
1/ يخلط الدقيق + ال B.P +البيكربونات+ الملح.
2 / يوضع السكر..
ثم البيض واحدة واحدة و يخفق لمدة 2 دقيقة.
3 / يضاف الزبادى و الزبدة و الفانيليا و يخلطوا جيدا.
4 / يضاف مزيج الدقيق برفق و يخلط.
5 / توضع ملعقة من العجين فى قالب الكب ثم مربى ثم ملعقة عجين.
هذا الجزء بمربى المشمش..
و هذا الجزء بمربى الفراولة..
تدخل فى فرن حار لمدة من 30:20 دقيقة حتى تنضج.
تترك اتهدأ ثم ترش بالسكر بودرة و تقدم دافئة مع كوب شاى مضبووووط طببببعا...
و الف هنا و شفا...
لا تنسونى من دعائكم و تقييمكم اذا عجبتكم وصفتى...