انا عملتها بطريقة الشيف الشربيينى مع شوية تعدييلات عشان تكون صحية المطلوووب سمك ماكريل فلفل الوان + طماطم + بصل ثوم + ليمون + خل +كمون + فلفل اسود + شطة حسب الرغبة الطرييقة نغسل السمك جيدا ونعمله فتحات من الضهر ونقطع الرأس ونضيفله كل المكونات ما عدا الفلفل والطماااااطم والبصل ونتركهم حوالى نصف ساعة عشان ياخد التتبيلة الحلوة نقطع الفلفل والبصل والطماطم شرائح رفيعة ونحط البصل مع ملعقة زيت يدبل بس وبعدين نضيفله الفلفل وفى الأخر الطماطم نحشى السمك بالخلطة ونحط باقى الخلطة بالشكل دا وندخله الفرن وهنا بعد ما استووى يجماله يجماله لذيذ وصحى والحشوة طعمها راائع ندخل على الأرز بالكلمارى
المطلوووووووووب ثلاث كوب ارز منقوع 2 بصلة كبيرة مقلى فى قليل من الزييت (نصف ملعقة ملح) ثلاث كوب كلمارى متنضف وممكن تستخدمى الروس 3 بصلة + فلفل الوان + 1 طماطم ملح بكمون + ورق لورا + ملعقة صلصة اول شىء نقطع الكلمارى صغيير ونحط 2 كوب ماء على النار مع بصلة وطماطم وصلصة وملح بكمون وورق لورا ولما تغلى شوية نضيف الكلماارى نتركه ثلاث دقااائق فقط ونصفيه ونشيل منه البصل والطماطم واوعى ترمى الشوربه بتااعته لأنك هاتعملى بيها الأرز نحط البصل المقلى مع ملعقة زيت والأرز على النار ونشوحهم على النار لمدة ثلاث دقائق وبعدين نضيف الكلمارى ونصف ملعقة ثوم مفروم وفلفل متقطع وتضيفى الشوربة بالتدرييج وتغطى الحلة وتسيبيه لحد ما الأرز يستوى تكونى عملتى السلطة عشان الوجبة تكمل ودا شكل الطبق فى النهااية هاتقولوا ايه عمايل ملوكة اوكا اوكااللى اتعلمت منكوا وبكدة الأكلة صحية وجمييلة جدا ومتكاملة الأرز السمك السلطة
اتمنى تجربوها لأن طعمها لذيذ جدا وفى النهاية اتمنى تكونوا قضيتوا وقت ممتع فى موضوعى وتجربوا اكلتى وماتنسوووش الردود والتقييم وإلا الغلبانة دى هاتصووت وتلم علييكوا المنتديات المجاورة
كتبت :
توليب’’
-
تسلم الايادي
ويعطيك العافيه
تقبلي مروري +تقيمي
كتبت :
sa semsema
-
يم يم يم
ايه الجمال ده ياملوكة
جوعتينى لان الاكل كتير شكله بيشهى
تسلم ايدك يا شيف ملوكة
وطبعا الاكل ده كله ليا لانى اول رد
كتبت :
دينار
-
اه الجمال ده انا جعت من جمال الصورتسلم الايادي
هاخد طبقي للعشاء واضمن نصيبي الاول بعد كده هروح للتقييم اللي تستحقيه عن جدارة
+
ماشاء الله دائما مبدعة ياملوكتي
كتبت :
راجيه عفو ربها
-
انا مجربة السمك لكن الطبق دة جمييييييييييل تسلم الآيادى يا أحلى ملوكا