السلام عليكم بنوتاااااااااات ..أخبار الرجيم معاكم ايه ؟؟ يارب تكونوا ملتزمين رجيم ورياضة وتكونوا قللتوا التخبيص ..
نصيحة كبيرة لكل اللى عقله يزأزأ انه يخبص .. منين ماتروحي في البيت ..في الشغل .. خدي معاك لتر ميه واشربيه فور احساسك بالرغبة في التخبيص .. والله كان نفسي في حلاوة طحينية باللوز من شوية بس خلاص الحمدلله .. ياريت انتو كمان تفكروا كده .. وكمان في حاجة حطوها دايما في دماغكم .. يعني مثلا لما الواحد يفكر ياكل حتة بسبوسة بالبندق = 620 سعر حراري .. عارفين عشان نحرقها محتاجين نمشي حوالي ساعة ونصف .. مش كده يا ميرنــــــــــــا ؟؟ انتي فين الله يكون في عونك ..بس والله وحشتينا ..
يعني أنا بحاول أربط المواضيع ببعضها والمجهود اللى الواحد بيعمله في الرياضه يخلي الواحد يفكر كويس جدا قبل ما يخبص .. يعني هوه صحيح الأكل ممتع .. بس هوه ايه اللى هيحصل .. الواحد بيستمتع بس لحظة تذوقة للطعام .. وهيدوق حته صغيرة هيستمتع .. هيدوء حته كبيرة .. ايه اللى هيجد هيستمتع دقيقتين تلاته .. خمسة أكتر ؟؟ طب بصوا للنتيجة بعد كده .. زيادة احباط وزيادة في الوزن ..
ساعدوا بعض يا بنات وساعدوني أنا كمان .. الواحد فعلا بيضعف قدام الأكلات اللى بيحبها لكن لازم نحكم عقلنا قبل قلبنا ..
اتمنى الكل يكون بخير ويلاقي نتيجة مرضية الأسبوع ده بإذن الله .. سلام حبايبي :4e5dd44a: