يوميات رمضانية

هلا حبيباتي .. هلاااا بغرووودة .. والله برااافو علييييج
فرحتلج وااااااااااااايد على الي نقصتيه .. صدق ارادة و عزيمه والله يثبتج و يسدد دربج
أكييييد لين يوم العيد بتكونين دخلتي ال90 .. وعقبها نعطييج اعلى زغرووووودة

يسمووونه حبيبتي .. ما شاااءاالله وصلتي 55 .. برااافو علييج .. انتي ما شاااءالله ملتزمه و حاطه هدف و سعيتيله
اتصدقين انا وصلت 64.4 و كنت ناويه اكمل لين 55 .. بس سبحان الله خرب المشوار و الحمدلله الحين رادة بقوة .. زدت 3 كيلو و اريد انقصهن و ادخل ال50 فهالصيف .. بإذن الله

اليوم نظامي تمام والحمدلله:

السحور: صحن خضار بالفرن
الإفطار: 3 حبات تمر+ سلطة فيها شرايح حلوم مشوي
وجبه خفيفة: سموثي (موز + توت ازرق + حليب جوز الهند + نهناع)
العشاء: شوربة شوفان

الرياضه:
رحت الجيم سويت كلاس واحد و عقب على جهاز السير

الإهتمام:
10 دقايق باسونا و عقبها حطيت مقشر للجسم و خلاف دوش دافي
....................................

الصراحه هذا النظام الي تمنيت امشي على طول أيام رمضان بس للأسف امشي يومين واتركه 3 ايام .. بسبه الشغل و لمه الأهل و و و .. بس أعذار
النيه و ان شاءالله اطبقها .. ألتزم لين نهايه رمضان بهالجدول و افتح ليوم العيد

يا عمري يا صفصوف امين الله يسمع منك
هو انا حاطة هدف 98 يارب أحققة
هو الظاهر صعب لان عانيت من ثابت اول ايام رمضان يمكن من التوتر لان كنت ملتزمة تمام
بس يارب ادخل التسعينات بدخلت العيد

يا قلبي تقدرين عليها و ان شاء الله تنزلين و تحققين هدفك و ادشين الخمسينات بخير و سلامة
اخبارك و اخبار الخطيب و الوالدة يارب بخير

اليوم اتغير مو متل كل يوم
بس ملتزمة على قد ما اقدر
الافطار
تمرة و أخذت من اكل البيت مجدرة وسلطة خضرة
بعد الفطور شاي بدون سكر و تمرة
وطبعا التخبيص واجب مع الأسف اكلت زبدية صغيرة من الفواكه و الجلي
وبعدها الشاي الملين
ومتل كل يوم على الساعة وحدة سحوري بيضة مسلوقة و نص توستة و سلطة خضرة
والسحور ثلاث ملاعق لبن زبادي مع بذر الكتان و الليمون
بعدها مشروب الكركم
راح أزيد الرياضة اليوم على قد ما اقدر عشان الجلي
ونسيت ان أقول لكم ان انا لاغية الملح و اذا اخلي بالطبخ اخلي شي بسيط جدا

غروووودة .. انا مبسووطه علييج وااايد ... صدق أحس الي سويتيه أنجااااز
وصدقيني على هالهمه التسعينات ممكن تكون ولا شي .. اتخيلج الحين بتدخلين السبعينات

اتصدقين عطيتيني همه بزياادة ... احسني الحين اريد اروح الجيم مرة ثانيه واتريض .. خخخخ
عندي زيادة وزن بسيطه .. وبحاول انزلها و عقب ببدأ مشوار الوصول للخمسينات ..
الله يسلمج ما صار خطيب .. صار ريلي .. لانا عقدنا فبدايه رمضان .. بس تعرفين عوايدنا ما نتشاوف الا قريب العرس ..
بس الصراحه أكلمه عالواتساب .. واحاول ما أكثر كلام .. خخخخخ
الوالدة بخير ... و اختي ربت .. بس الطفل عنده مشكله بالرجل .. الله يخليكن أدعوله فقيامكن لليل .. تكون شي بسيط و يقدر يمشي ... أمااااانه

يا قلبي ربي يسمع منك حبيببتي
هههه ضحكتيني لمن قلتي اروح الجيم مرة ثانية ربي يقويكي و عساكي دووووووم بالهمة يارب
كلللللليييييش الف الف مبروك حبيببتي يا الله راحت علي احداث كثير
ربي يجعلها زواجة الدهر بالسعادة و المحبة و راحة البال و الاتفاق و التوفيق يارب
الثقل صنعة هههه برافوا عليج هههه
ومتى قررتوا العرس بخير و سلامة
يا قلبي الف حمد لله على سلامتها ربي يتربا بعزكم يا قلبي ربي يشفي و يعافي يارب شو سميتوا و ان شاء الله حبيببتي يمشي و تكون شغلة ولادية

غروودة .. العرس حاطينه على شهر 11 .. و ممكن أبكر .. على حسب الدورة العسكريه لين ما يتخرج و حجوزات القاعه
حاليا فرمضان ما قدرنا نقرر و خاصه لان عدنا ولادة .. ان شااء الله عقب العيد بنحدد
الياهل سموه: عبدالرحمن .. ربي يرحمه برحمته ويخفف على أمه وعلينا .. وتصير المشكله شي بسيط و تنحل .. ياااارب