مجتمع رجيمالحمية و الرشاقة و الرجيم

بلا حرمان بلا ريجيم قاسي بلا كلام فاضي الحل هنا


السلام عليكم ورحمة الله وبركاته

بنوتات وسيدات مجتمع رجيم ..

للمرأة وكابوس الريجيم والميزان قصص طويلة ..

وبكل بساطة لدي ما أستطيع تقديمه لكِ عزيزتي ..

سأتحدث بالعامية لتكون أقرب إلى القلب

لاتحرمي نفسك من الأكل عزيزتي .. كلي من كل شي حاجة بسيطة

يعني مثلاً إذا كنتِ بتاكلي عشر ملاعق رز خليهم ثلاث ملاعق وإذا بتشربي غازات ابتعدي عنها

وابتعدي عن القهاوي لأنها بتشحب ببشرتك ، والوقت اللي تجوعي فيه لا تروحي تاكلي شوكلاته وغيره

روحي قطعي لك نص حبة فاكهه او ثلاث حبات تمر .. واذا مرة كان نفسك في شوكلاته شوفي لك نوع الكالوري فيه قليل ..

واشربي كل يوم شاي أخضر ضرووووووري ولو مرة وحدة في اليوم ..

انا لما اشربه تنسد شهيتي عن الاكل فضلاً عن فوائده التي لاتعد ولا تحصى ..

ولازم تشربي كمان 8 أكواب ماء في اليوم اعملي لك ورقة ع الثلاجة بأرقام من واحد لـ 8 وكل ماشربتي اعملي صح

وكمان لما بتشوفي هالورقة بتذكرك ان المويه افضل من الشي اللي بالثلاجة ..

وامشي ساعة في اليوم اذا كان تعب عليك تمشيها كلها بنفس الوقت .. قسميها الى مرتين مثلاً الصباح نص ساعة

والعصر النص الثاني .. لأن بهالأوقات يكون نشاطك عالي بحسب الساعة البيولوجية ..

غير لما تعملي كمان الـسيت اب خاصة اللي عندها كرشة تمددي على ظهرك وارفعي نفسك وانتي جالسة

اعملي هالشي بعد كل صلاة تصليها عشان تفتكري وماتنسي وبكل مرة مثلا اعملي 20 وكدا بتكوني عملتيها 100 مرة في اليوم ..

وكمان لازم لازم اللي بتتبع حمية تخفيف أكل وغيره لازم يكون نومها منتظم يعني تبطل سهر ..

تنام بدري وتصحى بدري .. لأن اش الفايدة إذا تلخبطت ساعتك البيولوجية والله ولا ريجيم بينفع معاكي حتى لو تعبتي نفسك ولو نزل وزنك بتفرحي فيه يومين وبيرجع زي اول وزياده ..

يا بنات والله انا طبقت كل اللي قلت لكم عليه قبل الحمل طبعا واخترت الأكل الصحي في نظامي الغذائي وبدون قيود او حرمان ..

ونزلت في شهر واحد 8 كيلو ومش مصدقة نفسي طبعاً بالميزان وبقياس الملابس .. هذا وانا حاسة نفسي اغش في بعض الاشياء كيف لو كنت بجد مهتمة ومحافظة على نفسي ..
وانا الان افعل هذا الشيئ لاني مرضعة بس ادعولي ا ني ابعد عن الشوكلاطة

وحسيت بالمشي اليومي كمان جسمي انشد حتى لوني صاير وردي مش مشحب زي بعض البنات اللي يعملوا ريجيم قاسي تلاقي وجهها فيه شحوب وانهاك ..

والله يابنات الريجيمات السريعة غلط في غلط .. لما توقف الوحدة ع الميزان وتشوفه نازل تفرح تعتقد انها نزلت

وكل اللي بينزل مياه والدهون لسى مكدسة بجسمها فترجع أسوأ من أول إذا أهملت نفسها ..

غير ان الطريقة هذي ما بتحسسك بالملل لأنك مش حارمة نفسك من اي شي خاصة اذا كنتِ مهتمة بالكالوري لأي أكلة تاكليها .. فبتكوني عارفة اش لك واش عليك ..

هذي نصيحتي لكم يابنات وبتلاقي نفسك بثلاث شهور نزلتي 30 كيلو اذا كنتِ بالفعل منتظمة ومحافظة صحيا على نفسك واكلك ..

ولما تشوفي نفسك بهالطريقة بتتشجعي وبتستمري بدون حقد على اي ريجيم لأنك ببساطة ماتعاملتي بالحرمان ..

والتجربة خير برهان .. ياريت اللي تجرب هالطريقة تدعي لي بالتوفيق ..

والله يحقق لكم أمانيكم وأشوفكم موديلز بس بالراحة على أنفسكم لأننا مهما كان احنا بشر وبنمل بسرعة من التكرار

والحرمان خاصة في الأكل ..

عارفة ياحلوات طولت عليكم بس حبيت افيدكم ..

أرق التحيات ..
شووووووووووووكرا ياقلبي
يسلموووووووووووووووووووووووو
كلامك درر

اشكرك
1 2  3  4  ... الأخيرة
كلمات ذات علاقة
لا حرمان بلا ريجيم قاسي بلا كلام فاضي الحل هن