رجيم و الله المستعان

مجتمع رجيم / أرشيف رجيم

كتبت : روعة الايمان

احبائى

ابتديت رجيم من امس 27/2/2009 و بيستمر لمد 10 ايام بعدها بيتم تغيرة

و اللى تحب منكم تمشى معايا علية ياريت على الاقل نشجع و نحفز بعض

الافطار
ـــــــــــــــ

كوب شاى+نسكافية باللبن منزوع الدسم ثم نصف رغيف فول بدون زيت او جبنة او زبدة او عسل او مربى او سوسيس او لانشون او بيضة مسلوقة

3 ساعات بعد الأفطار
ـــــــــــــــــــــــــــــــــــــــــ

باكو بسكويت او ثمرة فاكهة

الغذاء
ــــــــــــــــ

5 محشى ( كوسة /طماطم/ فلفل/ باذنجان/ كرنب / ورق عنب)
أو 4 ملاعق ارز او مكرونة مطبوخ او 5 قطع بطاطس مقلية
+
قطعة لحم احمر او كبد حجم الكف او ربع فرخة بدون جلد او ربع ارنب او سمكة او ربع كيلو جمبرى او سوبيا (مسلوق او مشوى) او 2 بيضة مسلوقة
+
سلطة او خضار مطبوخ

3 ساعات بعد الغذاء
ــــــــــــــــــــــــــــــــــــ

ثمرة فاكهة او قطعة جاتوة اسبوعيا

العشاء
ـــــــــــــــــــ

كوب لبن منزوع الدسم او سلطة
+
ساندوتش نصف رغيف ( لانشون او لحون او سجق او جبنة )

ادعولى يا بنات

و عايزة تشجعكم

انا وزنى الان 130 كيلو المستعان wassat.gif

كتبت : noga sief

حبيبتى روعة الايمان انا شايفة ان الرجيم ده مليان اوى وخصوصا المحشى
على العموم جربى اسبوع وبعدها اوزنى لو لاقيتى وزنك منزلش غيريه
بالتوفيق يا قمر

كتبت : روعة الايمان

الحقيقة ان الدكتور هو اللى وصف ليا الرجيم دة بعد ما قاس وزنى و نسبة الدهون و نسبة حرق السعرات
و المفروض بعد عشر ايام من بداية الرجيم هوزن و اشوف الوزن

ادعولى و عايزة نصائحكم

كتبت : أم حبيبه

حبيبتى روعه الايمان ,

ربنا يوفقك فى ريجيمك يا رب و توصلى للوزن اللى نفسك فيه .

هاستنى يومياتك.

و لو هتدخلى كل يوم ,
اتمنى انك تقبلى مرورى و متابعتى معاكى , لانى محتاجه حد يشجعنى , و انا متابعه فى موضوع بالرشاقه اكيييد احلى .

هاستنى ردك و لو وافقتى ابدأ معاكى من بكره ان شاء الله