مجتمع رجيمالحمية و الرشاقة و الرجيم

10 كيلو بشهر .... لك للاسف

شكرا لكم جميعا
وجزاكم الله كل خير
ارجعي للرجيم وما تياسي وخلي ارادتك قوية
أختي أنا بكون وياااااااااااج واضحة و صريحة ..

أنا توقعت عقب هالرجيم اللي سويتيه إنج نقصتي أكثر من 10 على بالي 15 أو 20 .. !!

و طبيعي بيرتفع أضعاف الوزن السابق، لأن الجسم كأنج سويتييله صدمة، و فجأه وقفتي، و هو مب متقبل هالشكل فرد مثل ما كـــان .. !! نحنا دايما نعتقد إنه أجسامنا هي عبارة عن جسد فقط,, هذا الجسم له ذاكـــره، مثل التقويم يوم تحطينه على أسنانج.. يقولج الدكتور الأسنان ممكن ترد نفس ما كانت بسبب الذاكرة ..!!
و الجسم نفس الشي ..
الحل هو :-

1. بما إنج وصلتي هالوزن، إنسي اللي إستوى و خذي هالشي كدرس و لا تندمين على هالشي، أنا عارفه شعورج يوم يزيد الوزن عقب ما تنزلينه لو تنزلين تحسين انج ما نزلتي شي .. !! فإنتي حاولي تبدين بوزنج هذا و إنسي اللي إستوى قبل ..

2. تقبلي شكل جسمج، هالشي بيخليج تستمرين، و ما بيخليج تحسين بالإكتئاب بسرعة .. بالعكس بتواصليـــن لأنه بعد ما تقتنعين بشكلج بتحسين بعد الرياضة انه شكلج يتغير للأحســـن ..

3. شربي ماي قد ما تقدرين، وزعي شرب الماي على فترات، يعني أول ما تنشين كوب أو كوبين إذا رمتي بعد كل صلاة كوب قبل المشي بساعة كوب، بعد المشي كوب أو كوبين. قبل الأكل بفترة كوب..
و عندي طريقة ثانية ممكن تجربينها و أنا جربتها و إستفدت منها ، سوي جدول فيه أيام الإسبوع
مثلا السبت تحطين 12 خانه كل ما تشربين ماي لوني الخانه أو شخبطي عليها و الورقة لا زم تتعلق على الباب عشان تشووفينها ..

4. دخلي الأعشـــاب في حياتج، سواء سويتي رجيم أو ما سويتي، لأنه الأعشــاب بتمدج بالطاقة. و أنا شفت برنامج مره على قناة دبي، إنه الكوفي يسحب من أجسامنا الطاقة و نحنا على بالنا انه يعطينا طاقة، و الجاهي الأخضــر يمدنا بالطاقة أكثر ..
فعشان جي شربي في اليوم بابونج، جرفة، زنجبيل تراه حارق للدهون، عندج جاهي أخضر و وااايد أنواع .. !!

5. في الإمارات عنا في الجمعيات و السوبر ماركت يبيعون حليب النوق، هو أكيد هذا الحليب متواجد عند اللي عندهم جمال، لكن مب كل الدول تعلبه و تبيعه,, فعشان جي أنا أنصح إذا عندكم هذا الحليب، و لو عندكم جمال شربوا حليب النوق، لأنه حليب النوووق ماااااااااايمتن أبدا، بالعكس هالحليب بيساعدكم في شد أجسامكم بعد، و اكبر دليل شوفو البدوي كيف جسمه من حليب النوق.. !!

6. وزعي خمس وجبات في اليوم 3 أساسيات الريوق و الغدا و العشا و كلي من بين هالوجبات بسكوت أو كاكاو أو تفاحة يعني شي ما يزيد عن 100 سعرة حرارية إذا أمكن .. !!
و الغدا كلي لكن كثري من السلطات، و زعي صحنج 3 أقسام، نص الصحن سلطات، و الربع عيش، و الربع الثاني صالونه أو دجاجي مشوي أو أي شي عندج ..

7. الريااااااااااااضة مهمة جداااااا .. على الأقل لو بس تمشييييييين و ما تسوووين أي شي ..

أنا مثلا كنت أسوي كارديو في البيت، و بعدين سرت النادي، لكن طحت في البيت و من بعدها منعت من الرياضة شهرين و زاد وزني 2 كيلوا، لأنه كان ممنوع أتحرك وااايد أو أمشي واايد .. !!

فمرة ثانية رحت لدكتور ثاني و قالي الألم ما بيخوز إلا بعد ما ينزل وزنج . 10 كيلو و ممنوع إتباع أي رياضة إلا المشي أو السباحة فقط.. فبديت أمشي ساعة في اليوم و الحمد الله وزني ينزلي بسهوولة .. يعني انا الحين الإسبوع الرابع أول ما بدين كان 94 الحين وزني 90.4 و لله الحمد.. !! فما بالج لو ضفت رياضة الدري أو اني أناقز بس في نفس المكان كم بينزل وزني يمكن ينزل 7 حتى ..

فلاتذبحين عمرج بالرجيم أهم شي الرياضة، و على فكرة أنا كنت أكسر مرة في الإسبوع و ساعات أخرب مب مشكلة .. الكسر زين أنا أشووفه يثتب الوزن .. أحلى يومم عندي الكسر، لأنه أشرب جاهي حلييب على راحتي هههههههههه..

8. إقري قصص الناجحين .. و بتشووفين عمرج غير، بتحسين هالقصص تعطيج حافز، و بالذات اقري المجلات الأجنبية فيها فااايده أنا أتابع مجلتين shape , oxygen الصراحة يخلوون الواحد يحب الرياضة و الرجيم، إذا ما لقيتيهم خبريني بطرشلج موقع المجلتين ..

و شوفي The biggest loser بتستفيدين واااااااااايد ..


أنا آسفة وايد طولت عليج,, لكن حبيت أفيدج و ما أبغييييج تكررين هالشي .. و توكلي على الله ..
جزاك الله كل خير
والله استفدت كتير من نصايحك
وان شاء الله حتابع تانى وحعمل رجيم وان شاء الله اخس
موفق بإذن الله ... لك مني أجمل تحية .
حبيبتى الصبر ال ص ب ر ادخلى تجا رب الريجيم النا جحة واتعلمى لسه بدرى عشان تسيبى الدايت اقراى كثييير عشان تعرفى موفقة بإذن الله ... لك مني أجمل تحية .
1  2 3 
كلمات ذات علاقة
10 , للاسف , لك , بشهر , كيلو