التحدي الكبير 30يوم و 30 كيلو .... شجعوني بليييييز والنتيجه بعد شهر

[align=center]السلام عليكم ومساء الخير جميعا

انا عضوه يديده وياكم ومن الاوزان الثقيله جدا جدا
ابي مساعدتكم وتشجيعكم وزني الحين 125

بديت رجيم من شهر اكتوبر 2009

بس ما كنت اسوي بجدية، والرياضه اسوي يوم وعشره لا

وتفاجئت ان وزني صار من 136.7 الى 125.1 والكل قال انه مبين علي ضعفت

وزني الحالي : 125
وطولي 163
عمري: 22
البس مقاس 24
مو متزوجه منو بيطالعني يعني ههههههههههههههههه

الله يعينكم على الصدمه ههههههههههههه

هدفي اخف 30 كيلو بشهر يعني 31/12/2009 وزني يكون 95 اكيد بتقولون وااااااو مستحيل او بتقولون مو زين للصحه و و و

بس انا مينونه لمن خليت وزني يوصل 136 ماكون مينونه وانزله 30 كيلو بشهر شنو الصحي اكثر هههههه

بليز لا تخذلوني شجعوني ولو بكلمه، بغير حياتي خصوصاً ان اخواني الاولاد كل يوم يعايروني بوزني :( ويقولون الدنيا بتخف الا انتي يالفقمه :( واللي يقول الدب القطبي واللي يقول الحوت الازرق :(


على فكره ما خليت شي ما شريته

اشتريت اله مشي
اله بطن
سيكل
جهاز سونا البطن يعطي اهتزاز وحراره خفيفه
هولاهوب ( طوق الخصر)



بكتب لكم يومياتي وشنو اكل كل يوم وابي كل بنت وزنها فوق ال 100 تحاول وتجتهد وما تيأس ابدا ابدااا دري مشوار طويل بس لكل مجتهد نصيب واللي وزنها تحت الاميه لا تفكر تخلي وزنها يصعد

يا رب وفقني ومن باجر ببدي وبكتب كل شي سويته وكل شي كليته

واللي تبونه انا حاضره

ويا رب توفيقك

اختكم 30 يوم[/align]

افا هاذي بدايتها ههههههههههههههههههههههههههههه


ما تردون :(

خلاص بعلق بالسمنه الى الابد انا الفقمه انا الحوت الازرق

السلام عليكم ورحمة الله وبركاته

لالالا اختي لا تتعلقين بالسمنة تراها مو زينه لج بالعكس تعطيج مظهر مو حلو و اكبر من عمرج
تعالي اشتركي ويانا بمسابقات رياضية حتى تشجعين اكثر وما تحسين بملل من الاستمرار بالرياضة او انتي خلي عندج هدف وارادة قوية عشان توصلين للوزن المطلوب
وان شاء الله بالموقفية لج