يومياتي مع ولدي الحبيب ....بالصور ...ما شاء الله لا قوة إلا بالله

مجتمع رجيم / موضوعات الأمومة والطفولة المميزة

كتبت : شمعة لاتنطفئ

السلام عليكم ورحمة الله وبركاته

بسم الله الرحمن الرحيم

" الموضوع كله من جهدي الشخصي "

يومياتي مع ولدي الحبيب

أنا عندي طفل واحد عمره دحين 3 سنوات وشهرين ..الله يجعله من الصالحين

أول شي حاليا ما لنا نظام معين روتيني في النوم والاستيقاظ ...بس غالبا إذا قام من النوم يرجع ينام على الساعة 1 – وحدة ونص

كل يوم يبدأ ب

الاستيقاظ من النوم
" أصبحنا وأصبح الملك لله "

الذهاب للحمام الله يكرمكم

ودا شكل الحمام لمن بدأت تعليمه على الحمام

وبعدين نختار لبس من الملابس

الفطور غالبا يكون شي خفيف

مثل خبز وجبن

او كورن فلكيس مع حليب

والحليب شي يومي إما بالكاكاو او الفانيلا او الفراولة أو شاي بالحليب

واهم شي يكون في صحونه المفضلة

وبعدين هو يجلسي يلعب في ألعابه وأنا إذا عندي شغل في البيت أخلصه

أو أمشي شوية في دراستي – مرحلة الرسالة -

" الروتين اليومي لنا "

القراءة والاطلاع أو حتى بس يتفرج على الصور لوحده ، ودي صور كتبه في مكتبة الصالة

" يتبــــــــــــــــــع "

كتبت : شمعة لاتنطفئ

هادي الكتب اللي حاليا يحب الاطلاع عليها
بعضها عربي والاخر انجليزي

" والمقصود هو حب القراءة من الصغر "

ودي سبورة حقتي حاطتها في المطبخ كتبت عليها كم حرف عشان ترسخ عنده

وكل مرة أغير مرة عربي ومرة انجليزي

ودا كتاب حلو شامل أعلمه منه

الحروف العربية

الأرقام العربية

الحروف الانجليزية

الأرقام الانجليزية

طبعا بعضكم راح يقول ركزي على العربي فقط دحين
بس أنا مو مع مؤيدي هذا القول
لأنو في دراسة أجريت وكانت نتيجتها إن الطفل قادر على تعلم عدة لغات مع بعض في الصغر

وكمان لازم كل يوم أفتح في في البيت من الآي بود سورة من القرآن

لا تضحكوا على شكل السماعات هي في الأصل خاصة للكمبيوتر
كان عندي سماعات خاصة بالآي بود من جرير
لكن تعبتبني جدا وطفشتني
فتركتها وحطيت دي بدالها

وكمان لازم كل يوم يأخذ ملعقة من الفيتامينات للصغار
اقتراح من أمي الحبيبة

وهو يا قلبي يحبه جدا ويسميه عصير !!!!!!
" يتبـــــــــــــــــــــــــــ ــع "

كتبت : شمعة لاتنطفئ

الصلاة عمود الدين

يفرش السجادة حقته هدية من خالته الصغيرة ....ويصلي معاي

وكمان التلوين والرسم ...........يسميها مدرسة ...يا حليله بس

ولأني حامل الله ييسر لي
من فترة طويلة بدأت أحكيه عن أخوه اللي جاي
وساعات أوريه في الكتاب الخاص بالحمل

ولمن تسأليه فين النونو الصغير
يقولك في بطن ماما - يسعده ربي -
وأقوله إن أخوه الصغير يشرب حليب في القارورة ويلبس حفاضة وكل ما شفت طفل صغير في التلفزيون
قلت شوف النون الصغير عشان يقدر يربط ويفهم

واللعب اهم شي في حياة الطفل

أحاول ألعب معاه ....والألعاب هي
التركيبة ولعبة الأشكال

السيارات وهي عشقه الكبييييييييييييييير

الكورة وهي في المرتبة الثانية بعد السيارات

ودي اهم سيارة كبيرة عنده ....رغم وجودها من زمان ووجود غيرها إلا إنو مخلص لدي !!!

" يتبـــــــــــــــــــــــــــ ع "

كتبت : شمعة لاتنطفئ

إذا رحت لأهلي او سافرنا لازم أجهز له شنطة ألعابه الخاصة

العشاء يكون إما بيض او خبز وجبن او تونة او سجق او نجت أو بوب كورن او من برا مع التركيز ع المفيد لصحته وعمره

المشروبات مع العشاء منوعة إما عصيرات او حليب أو لبن

الوجبات الخفيفة اليومية

منوعة إما بسكوت أو حلويات او شابورة مع شاي حليب أو كيك او سلطة فواكه او سلطة خضار او خيار مقطع أو كورن فلكيس كاكاو وغيره...

هذه صورة من زمان ..........كريم كراميل سويته له بدا الشكل ...

وهذا قبل كم يوم ............كيك بالبرتقال

طبعا الوجبة الرئيسية هي الغداء ويكون رز وإدام لحم او دجاج مع سلطة ..أو مكرونة مع بروتين وخضار ..........مع التنويع دايما

بالنسبة للاستحمام

هادي اغراضه

لمن يجي وقت النوم يلبس البجامة

طبعا معودته لوحده ..وانا بعدين أرتبه ..عشان يتعلم الاعتماد على النفس

" يتبـــــــــــع "

كتبت : شمعة لاتنطفئ

ولازم يكون للنوم طريقة معينة تمشي عليها كل يوم

وطريقتي هي

دخول الحمام الله يكرمكم

تنظيف الأسنان

دي فرشته الخاصة

أحطه في سريره

نفرأ دعاء قبل النوم مع بعض - طبعا ما شاء الله حفظه لأنو يوميا نقرأه -
مكتوبة بخطي المتواضع ...

بعدين لازم أحضنه وأبوسه

أحيانا أقرأ له قصة قبل النوم وأحيانا لأ ..

وأفتح له المسجل

أحط له فيه شريط العفاسي المعلم مع ترديد الأطفال لجزء عم

وبعدين لمن يخلص الوجه الأول من الشريط أحط له النواسة - لمبة صغيرة -

" يتبــــــــــــــع "

كتبت : شمعة لاتنطفئ

ودي صور من غرفته

الباب

دي لوحة سويتها له فيها ذكريات من اغراضه وهو صغير ومن المستشفى أسورة الاسم وورقة أول موعد وبطاقة المعلومات

ودا أحد ملابسه وهو صغير علقته على الجدار تزيين للغرفة

.............................. ...................

طبعا حياتنا ما هي مثالية ...مثل كل العائلات

وهادا هو نظامنا اليومي ...

أكيد في منكم من هو أفضل وأحسن مننا ...وعندو أفكار احلى من أفكاري بكتير

أتمنى تكونوا استفتدوا من أفكاري وأضافت لكم شيء جديد ...

شكرا لكم على حسن القراءة والمتابعة

دعواتكم لنا بالتوفيق والنجاح والصلاح والفلاح في الدنيا والآخرة ...

ولا تنسوا دوما قول .......ما شاء الله تبارك الله

الصفحات 1 2 3 4 5 ... الأخيرة

مواضيع مميزة قد تهمك

يومياتى حتى 30/5 بإذن الله عايزة تشجيع بالله عليكم

يومياتي بالصور الى الرشاقه بأذن الله<<اللي حابة تشترك حياها

باذن الله يومياتى بالصور خلال شهر ديسمبر... حياكم الله

يومياتى من 21/7 الى 20 /8 ان شاء الله بالصور

قلبي علي ولدي انفطر وقلب ولدي علية حجر

ثوابت في تربية الأولاد

أزياء وملابس للأطفال كيوت موديلات وأزياء حلوة للأطفال 2013

0000 , الملابس , الملك , الله , الموضوع , البيت , اليومي , السلام , الصور , الفطور , النوم , القراءة , بالله , بالصور , يبدأ , خفيف , يومياتي , يكون , سنوات , على , عليكم , واحد , وبركاته , ورحمة , نظام