مجتمع رجيموصفات اللحوم

جمبرى مقلى وسمك سنجارى من مطبخى ( حمله سماء الابداع )



http://www.rjeem.com/up/images/na6ix3gesm3zm4fwrhn8.gif

اليوم عملت جمبرى مقلى وسمك

انا الاول كنت بقلى الجمبرى عادى اضعه فى الدقيق وبعد كده اقليه بس ما كانش بيطلع مقرمش
بس بعد كده قرئت انى اضع فى الدقيق معلقه بكنج باودر علشان يكون هش واما اجى اقلى الجمبرى اكون مجهزه طبق ميه اضع فيه الجمبرى واحده واحده بسرعه واحطها فى الزيت علطول , وفعلا الطريقه دى حلوه جدا وبتخلى الجمبرى مقرمش جدا وطعمه جميل

اولا طريقه عمل الجمبرى
- جبت الجمبرى وقشرته وشلت الخط الاسود الرفيع على ظهرى الجمبرى ونقعته فى ميه وشويه خل وشويه ملح

بعد كده جهزت الخلطه الى حتبله بيها وهى عباره عن
فلفل وثوم وملح وكمون وبابريكا وليمون وخل


بعد كده تبلت الجمبرى وسبته فى التتبيله لمده ساعه



بعد كده غطيت الجمبرى بالدقيق والبيكنج باودر وحطيت على الدقيق معلقه كارى علشان تخلى لون الجمبرى احمر فى ذهبى


وجهزت طبق المياه



بعد كده حطيت على النار الطاسه وحطيت زيت غزير لحد ما سخن جدا وبدئت فى وضع الجمبرى واحده واحده اولا فى المياه



انتظر لحد ما لونه يصبح ذهبى وبعد كده اشيله على ورق ماص للزيت واقدمه

هذا فى النهايه





طريقه عمل السمك السنجارى
انا عملته بالسمك البلطى( انا مش بحب السمك الكبير خالص ) فبعمله بسمك حجمه متوسط
اولا جبت ورق المنيوم ووضعت عليه القليل من الزيت وتتبيله السمك الى هى تبلت بيها الجمبرى وفتحت السمكه ووضعت عليها القليل من التتبيله ايضا


بعد كده جهزت الخضروات الى حضعها عليها وهى عباره عن
طماطم
بصله
فلفل اخضر
بقدونس
ليمون مقطع شرائح

ووضعت عليها معلقه كبيره من تتبيله السمك وقلبتها مع الخضروات



بعد كده وضعت جزء من الخضروات على السمكه وقمت بلفها بالورق الالمنيوم


وعملت فى السمك البلطى كده كل سمكه لوحدها فى ورقه واضع عليها الخضار واقفلها عليها
وبعد كده اخذتهم رصتهم فى صينيه ودخلتهم الفرن من تحت علشان تستوى
هو مش بياخد وقت كبير ممكن ثلث ساعه
بعد كده فتحت ورق الفويل وطبعا الخضار كان مستوى بس مش محمر ففتحت الفويل ودخلت السمك فى شوايه الفرن

وده فى النهايه



وقدمت السمك والجمبرى مع الارز الاسمر وسلطه خضراء





ان شاء الله الاكله تعجبكم


مستنياك لما شفتك في التحميل
عشان اكون اول وحده
من غير كلام الجمبري ليا كلو
و السمك للجميع

http://www.rjeem.com/up/images/3yykiyta1tjbmglb5wi5.jpg

مابقيتش انانيه وبخلي للي ورايا
تسلم اديك حبيبتي

اروح اجيب الوسام وانا مطمنه
ما شاء الله الجمبرى والسمك تحفففففففففففففففة وبجد جوعتينى وان شاء الله ها جرب الجمبرى بطريقتك
تسلم أيديك يا زهورة
http://tran33m.com/up/uploads/images...baeccb6c2a.gif
تسلم ايديك الحلوه ياجميل
انا بحب السمك وهو من نصيبي
تستاهلي التقيم والوسام
تتوسمي بالقران يارب


تسلم الايااااااااااااادي زهوره
طريقه حلوه أبدعتي
هيه راحت علينا لا سمك ولاجمبري
لكن احاول اتفاوض مع نهووله لعل وعسى
تسلمى زهره..اول مرة اعرف طريقة الميه ديه..ان شاء الله اجربها و اكيد حاتطلع حلوة..



1 2  3  4