ممكن تدخلوا ضروري حابة استشيركم بشي مهم (الحب في سن المراهقة)
مجتمع رجيم / فتاوي وأحكام
كتبت :
وردة الجوري 2
-
[align=justify ]السلام عليكم ورحمة الله وبركاته
لو سمحتوا حاابة اخد رايكم بشي كتير مهم
اول شي منتشرة بمجتمعنا ظاهرة الحب بين الشب والبنت في سن المراهقة واتوقع انو ما حد مر بهاد السن الا وحب
سؤالي الاول :
هل الحب حرام اذا كان بس مشاعر بدون كلام حلو وبدون طلعاات وبدون حتى لمس باليد ولو كان هاد الشب بيقربلك جدااا يعتبر حرام انك تحكي معو ولا لا
سؤالي التاني :
كيف الواحد ممكن بتجنب الحب خصوصا انو مشااعر داخلية الانسان ما بيقدر يتحكم فيها
وحابة احكيلكم قصتي انا بحب واحد من العيلة بيقربلي كتير من جهة الاب والام بس الحمدالله ما عملنا ولا شي خطأ وانا في بلد وهو في بلد يعني ما بنشوف بعض الا بالاجازة وشهر ونص بس منحكي بس ع الايميل انا برتاحلوا وهو بيرتاحلي ولما احكي معو كل مشاكلي بتنحل لانو بيساعدني فيها وخصوصا لاني وحيدة وهو وحييد
هاد الشي يعتبر حرام الي بيني وبينو لانو الاحساس باذنب بيراودني دااااااااااايما وانا الحمدالله من بيئة محترمة وانا لما اعمل هيك ما بعرف بحس حالي انسانة تانية واذا حرام عطوني دليل من السنة او القران او تفسير وبدي ارااءكم بالموضووع لانها بتهمني ممكن تردوا علي بسرعة [/align][align=justify][/align][align=justify][/align][align=justify][/align]