مجتمع رجيموصفات اللحوم

طريقة عمل الممبار والكرشة على الطريقه المصرية



اخواتى الحبيبات
http://www.rjeem.com/up/images/bcjvxshag46g5j09d2b.gif

اليوم عملت امى ممبار المحشى وكرشة بالحمص
انا بحب هذه الاكلة والممبار طعمه رااااائع بس صراحه ما بحبش اعملها خالص احب اكلها بس
هى الاكله دى ما بنعملهاش كثير بس عندنا فى مصر لازم تتعمل فى العيد الكبير
المهم انا صورت فقط وامى هى الى عملت كل حاجه :)

اولا عمل الممبار

المكونات
كيلوا ممبار منظف جيدا
كيلوا ارز
بصلتين مفروم صغير
3 طماطم مفروم صغير
2 ثمره فلفل مفروم صغير
شبت, بقدونس , كسبره
4 ملاعق صلصه
3 ملاعق زيت
ملح , فلفل , بهارات , قرفه , حبهان وورق لورا وقرنفل مطحونين
مكعب مرقه دجاج


الطريقه
اولا ننقع الممبار فى مياه وخل وملح ودقيق لمده ساعتين ويغسل بعد ذلك جيدا




بعد ذلك توضع كل هذه المكونات وتخلط جيدا فى اناء












بعد ذلك نقوم بحشى الممبار بالخلطه



وبعد حشيه يتم ربط كل قطعه حجمها متوسط بخيط ابيض علشان بعد استوائه يقطع لقطع صغيره



بعد ذلك نحضر حله كبيره مملوئه بماء وبه معلقه ملح وقليل من الزيت وبعد ساعه شيليه من مياه السلق






بعد ذلك نقطع الممبار فى مكان الفتله وننزعها ونقليه فى زيت غزير
وهذا فى النهايه





ثانيا عمل الكرشة بالحمص

المكونات
كيلوا كرشة منظفه جيدا
ربع كيلوا حمص
كيلوا طماطم مخلوطه
بصله كبيره مفرومة
فلفل حامى مفروم حسب الرغبه
معلقه زيت
ملح , فلفل اسمر , بهارات , ورق لورى


الطريقه
- تنقع الكرشه فى مياه وملح وخل ودقيق
تغسل بعد ذلك جيدا ثم تقطع لقطع صغيره ثم تسلق فى ماء وفلفل اسود وبهارات وورق لورى وحبهان (بدون ملح )حتى تنضج جيدا
بيستغرق سلقها ساعه ونصف فى حله الضغط
( للاسف ما صورتش هذه الخطوه )


- ينقع الحمص فى ماء دافىء لمده ساعتين



بعد كده نحمر البصل فى ملعقه زيت



نضع الطماطم على البصل





بعد ما تتسبك الطماطم يصفى الحمص ويوضع على الطماطم
وتوضع ايضا الكرشه بالماء المتبقى من سلقها على الطماطم ونتركها تغلى لحين استواء الحمص
ونضع الملح عليها



وهنا بعد الاستواء



بالهناء والشفاء

ويا رب الاكله تعجبكم


تسلم ايدين الماما على الاكل الحلو
وتسلم اديكي على التصووووووير

نورتي القسم حبيبتي
ومبروووووووك الوساااااام مسبقا اروح اجيبو وارجع
شكرت على الطبق حبيبتي
http://www.rjeem.com/up/images/vuw0nuz3o0spjrgvcjp.jpg
ام روان فرفوووشه خدو الكرشه الممبار بتاعي
تسلم ايديك حبيبه
عن جد شكلو شهي
ربي يخلي ليك امك يارب ويديها الصحه والعافيه يارب
هههههه نهول انا حا اخد منك المبار والكرشه
فرفوشه بعمل ليها ساندوتش
ماشاءالله تبارك الله
ربنا يخليلك ماما ويديها الصحه والعافيه
اناعارفه انها اكله صعبه جدا كفايه التنظيف
اناوصيت ماماقبل مااسافرلها تجهزهالي
وعملتها وكانت تجنن زي اكلة ممتك بالظبط
تسلمي ياقمر
عقبال مانعملها احنا بالنجاح ده
1 2  3