من جديد ولكن بعزيمة أقوى من الحديد و ي رب تستمر
مجتمع رجيم / أرشيف رجيم
كتبت :
salma assim
-
أنا حبيت أبد رجيمي اللي عمري ما كملتو معاكم تشجعوني و أشجعكم عشا نكسر شبح السمنة الليمحيط بينا من كل الجهات بصراحة أنا تعبت من التعليقات اللي بسمعها من حولي و تعبت من نظرات الناس ليا اللي تحسب ماما أختي و اللي تحسب اختي بنتي
و بعدين يعني غير كدا الملابس في السوق من أقبح ماتكون لينا إحنا التخان 
نشوف الناس حولينا لابسين ولا عليهم و إحنا نغطي نفسنا بالمخدة لما نجي نجلس ولا لما نوقف نجلس ساعة نجر البلوزة ولا التنور ولا الفستان
عن جد تعبت وتعبت نفسيتي....عشان كدا حبيت تكون سنة 1432 سنة حلوة عليا وعليكم سنة حتكون فيها بإذن الله ميلاد لإنسانة جديدة عرفت تلاقي نفسها بعد ما كانت ضايعة
أنا بدأت بداية قوية من يوم الثلاثاء 1\1\1432هـ بس للأسف ما أستمريت و حابة أبدأ من جديد و بإرادة من حديد
و أتمنى يكون معايا مجموعة ممتازة و صاحبات إرادة قوية ناخذ بإيد بعض و نمشي في طريق الراشاقة سوا و إذا لخبطت وحدة نردها للطريق الصحيح في إنتظار الصديقة في طريقي ...
