خواطر ويوميات

مجتمع رجيم / أرشيف رجيم

كتبت : مجرد طفلة

مساء الخير بنات

اهاا عطورة
انا الصراحة كنت منتظمة عليهم لمدة 5 اسابيع متواصلة
و كنت بوصل في اليوم تقريبا 100 مرة لكل دراع
و جابوا نتيجة معي الكل لاحظها
بس للأسف ما استمريت

اليوم كان متعب كثير
كان دراسة و كثير مشيت في الحر
فأكلت اكثر
ان شاء الله بكرة احسن يا رب

كتبت : سحر الغروب

مسالخير يا امورات
مشكووووووووورة مجرد طفلة على التوضيح عن العضلتين
دورت على اليوتيوب وسالت الدكتور فقلي المرة الجاي رح يعطيني ان شالله تمارين على سيدي واستمر عليه
طبعا مبارح مفروض نزل وزني بس روحت على البيت متاخرة وتعبانة فما نزلته
ما تعرفوه احسن هههههههههههه
انا انصدمت مبارح بس عادي مشي الحال شو ساوي اشنق حالي يعني واكتئب كرمال زاد
لا طبعا هههههههه بكفينا اكتئاب
وبدل هيك لازم نشد حالنا
المهم زاد وزني 700 غرام
والحمدلله على كل حال
وان شالله الاسبوع الجاي افضل يارب

يومي
الفطور شريحتين توست وقطعة جبنة
السناك تفاحة
الغدا ما عبالي ساوي شي اليوم هههه فاكلت ملعقتين متبل مع شريحتين توست وملعقتين لبنة وسلطة الحمدلله
السناك 10 حبات لوز
العشا قطعة جبنة ومرتديلا وكاسة شاي اخضر

الحمدلله رب العالمين
ومشيت ساعة الا ربع سريع

ان شالله كمل اليوم على خير

كتبت : مجرد طفلة

اهلين سحر
كيفك

ما تزعلي حبيبتي
لانه حتى لو زيادة فهي خفيفة
ما اعتقد بينت على جسمك و هي ضروري عشان الجسم يرتاح
ان شاء الله الاسبوع الجاي تنزلي اللي زدتيه

يومك حلو
ربنا يوفقك حبيبتي

كتبت : سحر الغروب

تسلميلي مجرد طفلة
لا مابين الحمدلله
بس اقلك ما تعبت بالعكس تعبت لاني يا بطلع يا بنزل شوي وعم حاول اني حط هدف بس كيلو نزول
يعني الي اكتر من اسبوعين حاطة ببالي رقم 3 وما كنت شوفه
هههههههههه
بس مع هيك لا للاحباط اكيد ان شالله

وعطورة الامورة ان شالله تكوني تمام طمنينا عنك

يومي
الفطور
شريحتين توست وبيضة وملعقة لبنة وخيارة وبندورة وتفاحة
السناك مربعين شوكولا دايت
الغدا منسف
السناك تفاحة
العشا شريحة توست وقطعة جبنة

مشيت ساعة الا ربع سريع الحمدلله

كتبت : مجرد طفلة

سحر

تقريبا الطلوع و النزول بيبقى عادي
لما نقرب من المثالي
يللا ربنا يوفقنا

بالنسبة للتمارين ابقي اسألي الدكتور
هي كل يوم ولا لأ
لأني قريت انها بس 3 ايام بالاسبوع
و الصراحة ما ضنيت تكفي هههههههههه

انا عندي الاسبوع الجاي امتحانات
و اكلي ملخبط
يا رب ما يكون في زيادات

كتبت : سحر الغروب

مسالخير
كيفكم بنات
الله يقويكي مجرد طفلة وان شالله بالتوفيق يا رب

عطورة ان شالله تكوني بخير

انا ماعدت اقدر ادخل متل قبل لاني بعزل قبل رمضان ويادوب بقدر امسك النت حتى

يومي
الفطور شريحتين توست وملعقتين متبل وزيت زيتون وكاسة شاي اخضر وتفاحة
السناك شوكولا دايت
الغدا 8 ملاعق رز ولبن وقطعة دجاج وخيار
السناك تفاحة
العشا شريحة توست وخيار وملعقتين لبنة

مشيت ساعة الا ربع سريع الحمدلله

خواطر ويوميات

مجتمع رجيم / أرشيف رجيم

يوميات للحوامل(( الدايت الصحي ))

رحلتي ستبدئ من جديد