يومياتي مع الجسم الدرقي

عقابا لي إني خربت الرجيم بالحلم فطرت اليوم بيضتين فقط خخخ

غداي اليوم لذيذ .. سمكة لذيذة + سلطة لذيذة

السلطة كان حجمها صغير هالمرة .. ما حطيت فيها ملفوف ولا بقدونس ولا خيار ولا جزر .. وحطيت بدال البصل بصل حساوي .. وهو نوع لذيذ من البصل ينمو بمنطقة الأحساء
فصارت السلطة لذيذة لأن نكهة الليمون والخل والبصل والثوم فيها أقوى نظرا لأن الكميات قلت عن السابق

معلومات مفيدة


-------

عشاي حليب وسلطة تونة وحبة فيتامين

ولأني صايرة آكل بصل وثوم بكل وجبة .. ودي أشرب شي وراهم لين أحصل شاي أوراق التوت

فسويت لي ماي حار وحطيت فيه نتفة حبك (نعناع) .. والحين يشربه بعد ساعتين من الوجبة

----------
رياضتي اليوم تنظيف الغرفة وغسيل ثياب
وبسوي بعد شوي تمارين
ولسه أستنى يو مارك يرسلون لي الأوربت راك *

في إحساس بدأ يتنامى عندي وهو إن رجيمي هذا غلط ويدخل في رجيمات اليويو اللي يزيد فيها الوزن بسرعة بعد الرجيم
والدليل إن وزني نزل بسرعة (كيلوين في 4 أيام) وهذا يعني إنه نزول في الكتلة العضلية مش في الشحم
وفعلا بحس بخمول وقلة حيوية وإن عضلاتي ضعيفة
والسبب خلو الرجيم من النشويات اللي يحتاجها المخ على شكل جلكوز
فيضطر الجسم لتحويل البروتينات لجلكوز وهذا يسبب فقد الكتلة العضلية
ويتجه الجسم لتخزين معظم الطاقة اللي يحصل عليها من الغذاء على شكل دهون
فكأنك يا زيد ما غزيت

التفاصيل في هذين المقالين :
فأفكر أعدل على نظامي وأدخل فيه نشويات بوجبة العشاء مثلا .. عبارة عن القليل من الرز الأسمر أو خبز نخالة أو توست أسمر
وأضيف ملعقة زيت زيتون للسلطة بوجبة الغداء
طبعا مع شرب المشروب الوارد في الفيديو أعلاه ثلاث مرات باليوم قبل الوجبات

عدلت نظام الرجيم بالمشاركة الأولى

نقلة نوعية بعد تعديل الرجيم

شربت مشروب حرق الدهون
فطرت بيض ونص بريد بر وملعقة صغيرة زيت زيتون
وكان المفروض آكل فول بس ما حصلت فقلت إن شاء الله أجهزه ابتداء من الأسبوع الجاي
سويت رياضة لمدة ساعة إلا ثلث