يومياتي مع الجسم الدرقي

تعشيت شي من اختراعي وصار طعمه يجنن
عبارة عن : علبة زبادي + 2 طماطم صغيرة مفرومة + 4 شرائح متوسطة خس مقطعة شرايح + ثوم مفروم + رشة فلفل أسود + رشة ملح + ملعقة خل

أضفتهم كلهم على بعض وبس

كانت نيتي سلطة زبادي بالخيار .. بس ما حصلت خيار وربي رزقني شي أحلى

صحيت من النوم ودخلت الحمام وطلعت ووزنت
وزني صار 72 .. لوووووولووووولييييي
يعني نزلت كيلو زيادة بنهاية اليوم الرابع من الرجيم

وأصبح الهدف التخلص من 7 كيلو

شربت ماي .. سويت رياضة .. شربت ماي بعد الرياضة .. سويت لي فطور بيضتين أوملت طبعا بدون زيت + سلطة الزبادي اللي تعشيت فيها أمس
وبروح الحين أشتري لي آلة رياضة تشد الجسم ومبدئيا راح تكون الأوربت رك

الله يوفقك يارب

وشريت الأوربت راك من يو مارك ب 450 ريال
قالوا بيوصلونها بيتنا خلال الخمس الأيام القادمة

ورحت عطار قريب من بيتنا يبيع فيه هندي وسألناه عن شاي أوراق التوت .. قال هه لحظة .. وراح اختفى ساعة وجاب لنا ورق شجر يابس في كيس نايلون
قلنا له وش ذا .. قال هذا الشاي .. قلنا له طيب تعرف وش فوائده .. قال ما أدري

وريحته حنا !

خذت كمية منه ب 5 ريال

سويت لي الشاي ويشربه الحين
إذا ما كملت يومياتي عرفوا إني مت تهؤ تهؤ

وشريت مرة وحدة من العطار بخاخ ماء الورد لتصفية البشرة .. ب 10 ريال

دلوعة .. آمين أجمعين ()