قصتي في وداع السمنه بلا رجعه ..

بسم الله الرحمن الرحميم هذه قصتي ممكن اقول للعبرة او للشجاعه او مادري وش تسمونها حبيت اقولها لك ويعلم ربي اني ماعمري قلتها الى احد الى الان بس...

مجتمع رجيم / تجارب الرجيم الناجحة
حلم سيكون
اخر تحديث

قصتي في وداع السمنه بلا رجعه ..

قصتي في وداع السمنه بلا رجعه ..

بسم الله الرحمن الرحميم


هذه قصتي ممكن اقول للعبرة


او للشجاعه او مادري وش تسمونها


حبيت اقولها لك ويعلم ربي اني ماعمري قلتها الى احد الى الان


بس للامانه



قبل ماتقرووو اي شي


قولو ماشاء الله


لاني تعبت من كثر مايشهقو فيني الي حواليني وصرت اكرة اطلع للناس من كثر


الي اسمعه الان


....



طبعا هذه القصه كتبتها للاخت الي تقول بعد مارجعنا من السوق


والحديث الي دار بينها وبين زوجها



ياحببتي

اه

ذكرتيني بالذي مضى الله لايعيده


كان زوجي هو الحافز اني وزني يوصل الى 110 كيلو تخيلي

كان يجيب الي اكياس الشوكلاتات ودايم يقول الي جسمك عاجبني ماعليك من احد

دبه بس عاجبتني كثير

كنت دايم اقول اله ياربي نفسي انحف انا ادبب وحده بين سبع خوات ماشاء الله


وياكرهي لمن اروح مكان ويقولون لي الله انت اخت فلانه ...احلى وحده فيهم وابيض وحده .......بس ..خلاص الكلمه الاخيرة تموتني

وتخليني ازيد في الاكل ...اسوي دايت ..وامشي برا ..وانقص بالشهر 10 ...واعيد هالعشرة 15 ياويل حالي ...

حملت وولدت وجبت مثلك 4 ...وبالاخير زاد وزني كثير كثير ...وبائت كل محاولاتي بالفشل ....وخواتي دايم يضحكون علي ويوقولو الي انتي اصغر وحده فينا متزوجه ....


بس كنك امنا اذا طلعنا مع بعض


صح احلى وحده فينا ...وصح ابيض وحده .....بس ...........هنا اموت ...وارجع اكل


ياربي اموت اكثر اذا رحت للسوق .....وادور وادور ,,,وزوجي اقول اله خلاص ماحصلت قدي ..يقول لا بتحصلي ...ومسكين يدور ويدور

اخر شي قمت اخد الي من قسم الحوامل ,,,,ولكن بداخلي ودي اموت ...وخصوصا من بعد ماشلت المرارة ...زاد وزني اكثر


كنت محتمسه العام الماضي في ربيع الاول اني اسجل بنادي


وكان مايشجعني ابد


وكان كل يوم عشا من المطعم ....ياويلي سناك ومشاوي ومقبلات وبروستد وهو كان يشجعني على كذا




وكان دايم يشجعني ويقول وع الضعيفه .....مع اني اشوفه لمن اروح معه السوق ..يقول اشتري الى خواتي هاللبسه لانها اعجبته


هنا اموووووووووووووووووووووت مليون واشتريها واجي البيت ..النفسيه زيروووو لاتسألي عني


واجلس ابكي وانذب حضي



واذا اكلت ببيت اهلي


قالو يلا يادبه اكلي



ياربي شعوري بنفسي كان قبيييييح


وكانو دايم خواتي لمن اطلع معهم


والناس تستغرب دي ختكم ؟؟؟؟؟؟؟؟؟؟


يقولو ايه اختنا من امنا المصريه ...امووووووووووت بس ابلعها



دايم يادون عيالي بنات ختنا المصريه

اموت والله اموت بس بعد ابلعها





اقول عادي واقوم اكل زووووووووود بدون شعور

وانا اقول لا


كان يبي يموت ويعرف كم وصل وزني



صار مناسبه زواج ولد اختي وقلت اله تصور معي


وصح قبل


لمن رحت اجيب الصور


قلت ياريت احترقو


كني فيل بالصورة ....كييييييييييييف يقولو الي حلوة مرة وبيضا ..>>>هذا الي دابح من حولي .....بس .........دبه .....هنا اموت


ياربي طالعت في الصور ويومها لمن نام زوجي قمت ابكي ابكي ومانمت يومين وهو يسالني وشو فيك





بس ابي اسجل بالنادي

وقررت انا و3 من صديقاتي ....اني اروح للنادي


بعد عدم اقتناع منه


قرر بدون رضا


رحت يومها وكانت صاحبه النادي

زميله الي بالدراسه

انصدمت لمن شفتها .....ماشاء الله

كانت دبه مثلي


بعدين ..صارت باربيه


ركبت ع الميزان وياريتني ماركبت 110 انصدمتتتتتتتتتتتتتتتتتتتتتتتتت صدمه مو طبيعيه


لاني كنت اعاني من ركبي وكلما اروح للطبيب يقول نزلي وزنك قومي اوزني اقول لالالالا اكره الميزان


بس وصلت الى هالوزن 110 ياربيييييييييييييييييييييي


سويت شويه تمارين

وطلعت من النادي وجيت فيني حرة مو طبييعه ..كرهت نفسي وتنقعت في ماي حااااااااااااااااااااااااااار بس حق السخان وكنت لحالي بالبيت

وقلت يارب امووووووووووووووووووت ومااصحى او مايجي زوجي الى انا مت


خلاص اسودت الدنيا بعيوني

وكرهت كل الاكل والله اني ماحسيت حتى بالماي الحار الي دبحني


ومن داك اليوم

قررت اني مابروح النادي مرة ثانيه وكلمت صديقاتي وقلت الهم روحو انتو

مابروح حتى فلوسي ماابيها


من زود القهر


المهم

قلت اله مابروح فرح كثير كثير


قلت اله بطلع امشي انا كل يوم

قال زين وش لك بالنواديي ووجع الراس


استجمعت كل قوتي من داك اليوم


ومن يوم ثاني قمت امشي وامشي


وقطعت الرز والمقالي وكرهت الحلويات والنشويات

كرهتهااااااااااااااااااااااااا اااااااااا


قطعت القهوه والشاهي الاحمر والسكر والكيك والشوكلاتات الي كان يجيبها الي بالهبل ...


نزل وزني في اول اسبوع 4 كيلو فرحت كثير كني بطير من الفرحه


جاتني فرصه سفر مع اهله ....وفعلا سافرت مع عيالي وبدونه عشرين يوم ....

وهناك بعد قمت امشي كل يوم ساعتين وانظم اكلي بدون رز بدون خرابيييييييط بدون حلى وبدون سكاكر


ودايم افكر عمري صغير 25 سنه ووزني كذا لالالالالالالالا


المهم


رجعت وبعدها وزنت وشفت وزني وصل 100 فرحت كثيييييييييييير


قلت اله



تعرفو وش قال ؟؟




انا من اول قلت لك لاتاكلي حلويات ..................يمه وش هالتحطيم



مقاساتي تغيرت ...وواصلت المشي ....والناس الكل يقول الي الله صرتي قمر ...هنا انا اثبت واقول لازم اواصل ....لازم


الى زوجي


كنت اقول في نفسي ............زلازم اطيح غرورك واوريك اني لاززم انزل



المهم


شهر بعده شهر وكان قولوني يساعدني على كذا اخدت الى حبوب عن القولون ومنه يسد الشهيه ....


الحمدلله كلما شفت وزني ينقص ....افرح كثير واستنى متى يجي يوم الجمعه لاني اروح بيت اختي اوزن هناكـ

والكل يقول ياربييييييييي وش السر



وانا اقول الهم قولوني وهو خلاني اصير كذا

ماحد يدري ان الي عندي والاحباط هو الي خلاني استمر



لين ووصلت الى 85 ...والكل يقول ياربي صرتي صغيرة وانا افرح واجي اقول اليه


اخر شي مرة قال الي


انا مو شايف تغير عليك شي ...ماحسيت انك نقصتي ...............هنا صرخت في وجهه لاني انفجرت


قلت اله ياانت غبي او انك تستفزني بكلامك هذا


بس اعلم وحط في بطنك بطيخه صيفي ...كلامك هذا راح يزيدني اصرار على مواصلتي


لان لاانت ولا غيرك راح يحبطني ....طبعا الصدمه اله كانت قويه جدا مني هالكلام


بس احيانا الضغط يولد الانفجار


وااااااااااصلت


ووزني ينزل


وثبت الين 79 وخلاص

قال الي وقفي خلاص وزنك عاجبني كذا ..وانا اقول اله لا بعد



بس اهم شي مايجي يوم وتقول بروح ادورك غيرك واعرس لانك صرتي نحيفه ...طبعا قررت اني مااخلي شي بقلبي


المهم


غيرت ملابسي كلهااااااااااااااااا

وصرت البس ملابس من خواتي ...وكل من شافني معهم


يقول الهم واو اختكم قمر مايبين ان عندها عيال


والله ثم والله وانا على صيام ان كم وحده تشوفني في زواج


وتبي تخطبني وتنصدم لمن تعرفني اني متزوجه وعندي ماشاء الله 4 عيال

ودايم يفتكرو ان خواتي هم امي ..........................هنا اقول لا استمري


قلت اله اخر هدف الي 70 وبوقف


اخدت الي سير من عند اخوي وصرت يوميا امشي على رجيم عذاري وامشي ع السير واثقال وصار يعلمني ع التمارين لانه كان كمال اجسام وصار هو يشجعني بعد كلامي اله هههههه


المهم ان حتى الرجال اصحابه انصدمو لمن شافني معه بالعمرة ....كان يعرفو زوجته فيل يمشي ويهز الارض

والعام الماضي بما اني سافرت مارحت معه العمرة

وشافوني الحين ........هم وحريمهم انصدمو ووووو والكل يقول دي هي زوجتك ؟؟؟؟؟؟؟؟؟

المهم اني صرت كل شهر اثبت اله اني لازم اغير ملابسي لانها صارت اوسع


لمن وصلت لل70


قال خلاص جمسك حلو ويهبل وقفي


قلت اله لا


بس ابي بس الى 65 كيلو وواوقف


المهم ا ني من قبل رمضان وانا اقول اله ابي ميزان وهو يقول لا لا


وماصارت الفرصه اني اروح واوزن


ووعدني انه يشتري الي جهاز اوربتراك ووفعلا بعد النص برمضان رحت معه ندور ...وهناك شفت ميزان وقلت اله عادي اقيس وزني قال عادي


وركبت ع الميزان


انصدمتتتتتتتتتتتتتتتتت وبكيت بالمحل ....وزني وصل ماشاء لله


قولوماشاء الله


65 كيلو


قال لاتبكي لاتفشلينا لاني قبل الاسبوعين الاولين كل يوم اقول اله ياربي اكيد زاد وزني وهو يقول لا صرتي خفيفه هههه حتى صرت احملك عادي هههههههههه


المهم قلت اله اخد الي ميزان عادي

قال عادي واخدت الي جهاز الاوربتراك مع السير


صح مابعد سويت عليه الى كم يوم ...بس


فرحت كثير وقال الي خلاص وقفي


قلت اله لا ابي ارضي غروري واوصل الى 60



حاليا اليوم وانا اكتب الموضوع ووصلت الى 64 كيلو


وابشركم ملابسي العيد شريت مقاس 12 بعد ماكان 24 ومقاس حوامل بعد


والبنطلون بعد ماكان 42 شريت 34



والحمدلله صرت امشي بفخر اني وصلت الى هالهدف هذا واحمد الله كثير كثير

ودايم صار يقول الي

يالله صرتي بنوته صغيرة

صرتي قمر .....صرتي مغرورة علشان وزنك


وهو دايم الان يقول الي اكلي اكلي


هههه وعلى فكرة


خليته حتى هو ينقص 9 كيلو بدون مايحس لاني صرت اسوي اله من اكلي الي اكله واحببه فيه

واليوم جاني ولد اختي


من كم شهر ماشافني لانه يدرس بجده


قال خاله .............خليني استوعب ان دي انتييييي الي قدامي .......قلت اله قول ماشاء الله اول


قال جدجد


الكل يقول..صارت رشيقه

بس ماتوقعت انصدمت





هاااا شرايكم فيني يابنات


هذه قصتي مع عالم الرشاقه

اول مرة انطق بيها الى احد


بس علشان تتشجعو وتصلو للمطلوب


وكلنا نعرف الاراده والعزيمه ام الاصرار



بعد ماكنت هالدبه الي الكل يقول عنها كنها ااكبر صح حلو بس تفشلنا


صرت اختهم الي يفتكروني الناس بنتهم


يازيني ماشاء الله تبارك الرحمن


ربي يثبتني على الي انا فيه يارب

واملي عيون زوجي يارب العالمين .....



اختكم ...
منقوووووووله

المصدر: مجتمع رجيم


rwjd td ,]hu hgslki fgh v[ui >>

طالبة رضوان الله
اخر تحديث
ما شاء الله لا قوة إلا بالله
أتمنى إنك تكتبي الريجيم اللي إتبعتيه بالضبط ، و هل كنتي بتعملي وجبة مفتوحة ؟؟؟ ، أو كيف كنتي تتعاملين مع مشكلة ثبات الوزن
ربنا يوفقك
بحر الأمنيات
اخر تحديث
ماشاء الله لاقوة إلابالله

اللهم صلي على محمد
*بنت الإسلام*
اخر تحديث
ماشاء الله لا قوة الا بالله اللهم بارك
مبروووووك حبيبتي علي نزولك
وادعيلي اكون زيك واثبت وانزل وزني انا كمان
tootaaaa
اخر تحديث
بسم الله وما شااء الله عليكى قصتك حمستنى كتير

ويا رب بدعيلك من قلبى يثبت وزنك ولا يرجع يزيد ابدا ودايما تكونى بصحة وعافية
انا كنت محبطة جدا وحسيت دلوقتى من كلامك ان الاصرار احسن حل
بس طلب ادينا فكرة عملتى ايه
انتى قولتى ابتديتى بساعتين مشى ما شاء الله
كنت بتلعبى رياضة كام ساعة ومواعيدها مرة واحدة فى اليوم ولا الصبح نص وبليل نص
الاكل بدأتى ازاى الكمية مثلا وازاى كنتى بتغيرى عشان يستمر النزول انتى عارفة ان الجسم بيأقلم نفسه فا اتغلبتى عليه ازاى


معلش سامحينى على كتر اسالتى لانى عايشة المأساة دى بقالى 10 سنين اخس وازيد والكلام مش قادرة اقولك بيجرح ويوجع القلب قد ايه انا اوقات اجى اكل جعانة مش زهق ببكى مع كل لقمة بتدخل جوفى ارجوكى ساعدينى
نفسى ما روحش جيم ولا لدكتور لان فعلا بيزودو احباطى مش بيشجعوا نفسى احقق حلمى من غير ما حد يساعدنى بتوكلى على الله واجتهادى وبس
بعتزر مرة تانية منك بس طمعنة فى انك هتحسى بيه وتفهمينى انا على فكرة وزنى 125 ده اذا مكانش زاد.
فرفوووشه
اخر تحديث
ماشاء الله تبارك الرحمن
اول شئ نصيحتي لاتنسي تحصني نفسك دائما
والله دمعت عيوني لانه بجد كلامك نابع من القلب ولما ذكرتي قصتك ان شاء الله الكثييييير راح يستفيد منها وراح تكون حافز لهم
الله يهنيك حبيبتي وحافظي على وزنك علشان صحتك
مع الإرادة القوية مافيه شئ مستحيل
واللي عملتيه انجاز عظيم يستاهل الفخر
الصفحات 1 2  3  4  5  ... الأخيرة

التالي

خسرت 5 كيلو باسبوعين .

السابق

قصة امراه راااااائعه مع السمنه

كلمات ذات علاقة
.. , السمنه , بلا , رجعه , في , وداع , قصتي