آكل اقل ، أتحرك أكثر .. و باي باي سمنة !
مجتمع رجيم / أرشيف رجيم
كتبت :
لولآ
-
،
السلامُ عليكم :
لأول مرة أفتح موضوع بدون ما أفكر باللي أبغى أقوله ..
يقولون الكلام من القلب يصل إلى القلب ، و أتمنى كلامي يوصل لكم
أكبر كذبة ممكن نقتنع فيها ان لجل ننحف ان نعمل دايت فقط !
نحرم أنفسنا من الأكل .. و نتقيد بأشياء معينة !!!
بس ما فكرنا وش علاقة أكلنا بالشحوم المتكتلة بـ أجسامنا !!!!
ولا حتى كيف نتخلص منها بطرق صحية و صحيحةة
من هذا المنطلق جيتكم هنا ،
لقناعتي التامة - و المتأخرة - أن الدايت ماهو إلا نظام " تجويع
و لجل أكسب صحتي و انحف ، و لجل يكون لي الجسم اللي اتمناه
لجل ما أترهل ولا أتعب نفسي ، لجل ما أضيّع وقتي في الأشياء الغير مفيدة ..
( لازم : كل ما اكلت .. أتحرك أكثر ! )
الدايت :
وش هو الدايت ؟
بالنسبة لي : هو نظام أو جدول نسيّر به الجسم بحيث يتعود ع فقد وزنه
بطريقة صحّية .. و كله بسعرات حرارية منخفضة جداً ..
بس طبعاً مو صحيح انه لحاله يحقق الأمنيات !
لازم له حركة !
الحركة :
و ليه نتحرك ؟!
لنفترض ان عندنا قطعة " شحم حيواني " .. هل ممكن نضعها في كوب زنجبيل
و نقول انها راح تذوب ! لا طبعاً .. محتاجين مصدر حراري لجل تذوب القطعة ..
و الحركة هي بمثابة المصدر الحراري لجل نتخلص من تكتلات الشحوم ..
نحن ننحف لأننا نفقد كتلة عضل أو كتلة شحوم ..
اذا خسرنا عضل فـ راح نفقد وزن ولكن نخسر صحتنا
اما اذا فقدنا شحوم .. تأكدو 100% انكم كسبتو رشاقة و صحة
-
يصير مرة اشتهيتي شوكلاتة ؟ و إلا ايس كريم و إنتي عاملة دايت !
اللي يصير وقتها واحد من 2 ، يا إما تآكليه كأنه راح ينتهي من العالم
و يخرب الدايت .. أو انك تكوني مكابرة و ما تآكليه بعدها بتصيري تفكري
فيه .. و تتأثر شهيتك بالأكل .. صح !
طيب ليه ما تآكلي اللي نفسك فيه .. و أنتي مقتنعة أنك :
تآكلي لجل تحرقي طاقة .. لجل تعيشي ، مو تعيشي عشان تآكلين !!!
جسمك محتاج طاقة لجل يحرق دهون ، و الطاقة تجيه من السعرات الحرارية اللي تآكليها
و عشان يحرق دهون لازم نتحرك ، نرقص .. ننط .. نجري ..نمشي .. اي شي
يعني :
تآكلي سعرات حرارية منخفضة لجل ننتج طاقة تقدر تخلينا نتحرك بدون ما نتعب
و بعدها .. نخسر وزن !
يعني بالعربي .. السر لجل ننحف هو :
سعرات حرارية منخفضة = طاقة + حركة = رشاقة
و ما ننسى عنصر مهم ..
ثقتك بنفسك ..
صدقيني لو كنتي مهزوزة بداخلك ماراح تقدري تواصلي ،
لو فكرتي بكلام الناس عنك و عن وزنك راح تُحبطي
حطي ببالك قاعدة : لو نحفتي إنتي اللي تكسبي صحتك
و لو ظليتي سمينة فأنتي بتخسري صحتك و متعتك بالحياة
كلامي كثير ، اعذروني بس حبيت اوصل لكم اللي بخاطري
من اليوم ان شاء الله ، قررت أبدأ نظام جديد كله يعتمد على الحركة
بـ ارتب جدولي هنا معكم ، و كل معلومة استفيد منها بـ أحطها هنا
و بما ان مقاطع اليوتيوب اللي فيها نساء ممنوعة .. أنا راح احط لكم اسمها فقط
و اللي تبغى تقدر تعمل بحث ، و تشوفها ( و اتمنى المشرفات ما يمانعو
)نظامي بيكون على العنوان :
آكل أقل ، أتحرك اكثر.. و باي باي سمنة !
بـ آكل اللي نفسي فيه ، ولكن بـ احرقه ان شاء الله
بـ أمشي يومياً ، أتمرن بطن و جوانب و زنود
أتمرن ع الأوربتراك ، أنط بالحبل و أرقص
أبي طلّتي تكون غير ف العيد
اتمنى تشجعوني و اللي حابة تنضّم معاي فـ أنا سعيدة بها جداً
و اللي ما حبّت موضوعي اتمنى تشجعني لو بدعوة تخليني ابتسم
بـ أكون هنا
،
التالي
السابق
