السؤال الاول : ايه الهدف اللي بتطمحي ليه في التجربة دي ؟
بطمح بإذن الله اننا اخس 25 كيلو من وزني مع اني نزولي بطيئ بس انا متأكده اننا هحقق حلم السنين
السؤال الثاني : ياترى بقالك قد ايه وانتي بتحاولي توصلي للوزن المثالي ؟
بقالي 9 سنين من وقت ما كان عمري 15 سنة ودلوقتي عمري 24 سنة ولسة زي ما انا لا واكثر لاني كل ما بعمل رجيم واخس برجع اتخن وفوقه حبة بركة
السؤال الثالث : عايزة تخسي ليه وايه الحاجات الايجابية اللي هتحققيها لما تخسي ؟
عايزة اخس عشان فرحي وعشان زوجي اللي نفسه يشوفني رفيعه وهحقق حاجات كثير اننا ابقى مرتاحة نفسيا واننا ابقى واثقه من نفسي ومش مكسوفة من شكلي قدام زوجي واننا احقق حلمي واحس اننا انسانة ناجحة واقدر احقق اهدافي
السؤال الرابع : ايه العوائق اللي كانت بتقف في وشك كل ما حاولت تخسي وياترى تقدري تتغلبي عليها معانا في التجربة دي ؟
اظن مفيش عوائق معينة بس انا اللي بتحجج بأي حاجة عشان اثبت لنفسي انه كل حاجة مش مساعداني عشان مش راضية اعترف اننا اللي انسانة ضعيفة وارادتي صفر
السؤال الخامس : ايه الاسباب اللي خلتك تدخلي الموضوع ومخلياكي عايزة تدخل التجربة دي وتطلعي منها ناجحة ؟
هقول الاسباب اللي خلتني اعمل الموضوع اننا جوايا انسان بيستنجد بيا انه جوايا نفسي اخس واحقق حلمي
اللي انا اللي خليته مستحيل وبايدي هخليه سهل التحقيق
السؤال السادس : هتحسي بايه لما توصلي لهدفك مع نهاية الثلاث شهور ؟
يااااااااااااااه هكون اسعد انسانة في الدنيا انسانة ثانية خالص واثقة من نفسها مش مكسوفة من شكلها
انسانة ناجحة واجهت نفسها وظروفها وحققت هدفها