class="quote">اقتباس : المشاركة التي أضيفت بواسطة راحيـل:
بالنسبة ليومي
المفرووووض انو كان اليوم هو اليوم المفتوح , بس الصبح قبل ما يطلع زوجي ع الشغل , أجا و حكى لي : احتمال يصير شغل يأخرني و أخلي الجاتوه لبكرا ! و ازا ما تأخرت بجيبه اليوم !!
الله لا يوريكن حالتي , كنت رح أنجلط , يعني لو حكى لي خلص لبكرا , كنت أجلت اليوم المفتوح , بس هو ما قدر يحدد على حسب شو بيصير في الشغل معو , فكمّلت مشروعي في وجبة اليوم و اللي كانت مسخّن فلسطيني ( اللي اسبوعين بستنى في هالطبخة )
المهم ,
الصبح كالعادة كاسة مي دافية مع نص ليمونة , و بعدها ملعقة عسل
الفطور : في الأول أكلت بيضة مسلوقة و ملعقة فول بدون خبز , و بعدين الله يسامحها بنتي بعد ما فتحتلها البيضة و أكلت شوي تركتها , فأكلتها أنا ,
السناك : 7 حبات لوز مش محمص
و أجت عندي قريبتي و شربت معها قهوة و قطعة فليك
سناك 2 : فليفلة خضراء
الغدا : كان رغيف خبز أسمر متوسط ( قطره يا دوب 15 سم ) مع نصف صدر دجاج و طبعا مع شوية لوز مقلي و بصل مقلي بزيت الزيتون
العشا : سلطة رايب مع خيار
و رح أرجع أوكل تفاحة خضراء و كاسة حليب ( 1 % دسم ) مع كاكاو بدون سكر , ان شاء الله
* و للأسف زوجي ما قدر اليوم يجيب الجاتوه , فبكرا رح أضطر يكون متل اليوم , يكون فيه تخبيص مرة وحدة , و المشكلة انو زوجي ما بيعرف اني بعمل في ريجيم , خايفة أحكيلو , يصير يحكي متل الأشهر اللي فاتت , لأني حاولت و كنت بسرعة يصيبني الملل , لهيك ما خبرتو ,, بس رح أحاول أقنعه انو مش ضروري الجاتوه , و الله يجيب الأمر اللي فيه الخير
شربت المشروب الحارق 3 مرات
و شربت مي كتير ( بالعادة أكتر من 2.5 لتر ) منهن 3 أو 4 كاسات مع خل التفاح
الرياضة :
خلال النهار :
تمارين المشي في المنزل , الميل الثالث
تمرين التحدي الأول 100 مرة
تمرين التحدي التاني 40 مرة
و هلّا ان شاء الله رح أرجع و كمل رياضة , و برجع بكتبلكن شو عملت
بشوفكن ع خير
