دردشة مع عضوات المنتدى عن الاكلات والرجيم

كتبت : سحر هنو

اوكى كل يوم توريطة استنوا علية

-ما هى اول أكلة عملتيها فى حياتك؟
فاصوليا خضراء
2-ما هى اول اكلة وخسرت منك وماتكلتش؟

مكرونة لانى غسلتها من كتر نضافتى هههههههه
3-ايه اكتر اكلة بتعمليها وكل اللى يذوقها تعجبه؟

المكرونة بالبشامل
4-اول اكلة عملتيها بعد ما تزوجتى؟
ملوخية بالارانب
-لغير المتزوجات :اول اكلة نفسك تعمليها فى بيتك ان شاء الله؟
ربنا يرزق بنات المسلمين الزوج الصالح
5-اكثر اكلة من بلدك بتحبيها؟
الملوخية بالارانب
6-اكتر اكلة من بلد تانية بتحبيها؟
الكبسة السعودى
7-اكتر حلا واكتر مشرب بارد وسخن بتحبيه؟
الكيك بدقيق الذرة والعجوى

كاكاو ساخن برتقال بارد
8- افضل المقبلات مع ذكر الطريقة؟
المقادير ::
كشك على طريقتى

2 _كوب دقيق نعايرة بكوب الزبادى الفارغ

كوب زبادى كبير كامل الدسم

1_ كوب حليب كبير

نكون سلقنا الفراخ وناخد منة الصدور نفصصها لقطع صغيرة

وناخد من المرق 3 _ كوب كبير ونضف فية فص توم مدقوق ومكعب ماجىويغلى بيها كويس

نحمر بصلة فى شوية زيت ونضع بعدها البصل فى مصفاة ليصفى من الزيت

نخلط الدقيق والزبادى واللبن والمرق ونضربهم فى الخلاط ضربا مبرحا حتى يستغيث
ملحوظة :جميع المكونات تكون باردة

ههههههههههههههههه خفة

ثم نضعهم على النار ونضع عليهم صدور

الفراخ المقطع صغيرا

ونقلب بمضرب سلك ونستمر فى التقليب وقرب الغليان نضع قليل من الزيت

الذى حمرنا فية البصل وقليل من الملح والفلفل الاسمر

وقطعة قشدة صغيرة ونقطتين من الليمون

ونقلب جيدا واول ما يغلى نطفئ النار ونقلبة فى طبق التقديم

ثم نرش البصل المحمر على وجة الطبق عند التقديم

جربوة وحيعجبكم جدا انشاء الله وهو سهل جدا ولا ياخذ اكثر من دقائق ويقدم باردا

9-اسهل واسرع طبق واصعب طبق بالنسبة لك فى طهيه؟

اسهل طبق مكرونة بالصلصة وسوسيس محمر
اصعب طبق لانة بياخد وقت محشى الكرنب
10-ايه الاكلات او المشروبات اللى مش بتاكليها ابدااااا؟

فى اكلة اسمها : فشة وكرشة جوة بطن الحيوان
ولحمة راس مبحبهمش
المشروبات المياة الغازية
11-ايه اكتر انواع اللحوم اللى بتحبيها أسماك -لحوم حمرا_ دجاج.........؟
لحمة وسمك دجاج
12-موقف طريف حصلك بسبب الاكل؟

مش عارفة بس لما بجوع ببقى فضيحة
13-اكتر شيف فى المنتدى بتحبى اطباقها؟
سمراء مصر
14-اكتر اكلة دايت عجبتك فى المنتدى ؟
15-اكتر اكلة دسمة عجبتك فى المنتدى؟
اممممممممممم الكبسة العراقى
16-لازم تقوليلنا وصفة لطبق انتى بتحبى تعمليه كتيييير واتركلك حرية اختياره ما اذا كان طبق رئيسى او حلا ؟
كفتة الجمبرى
1= جمبرى مقشر متوسط الحجم

كام عود بقدونس 2 =عود كرفس

2 = بصلة متوسطة

5 = فصوص توم

بهارات( ملح -فلفل اسمر- كمون - شطة حسب الرغبة - كسبرة )

نضرب فى الماكينة كل الخلطة ما عدا الجمبرى وبعدهم اركن ربع الجمبرى واقطعة قطع صغيرة

واضيف الباقى على الخليط واضربة ونحرص على ان لا نضرب الخليط او الجمبرى بعد اضافتة كثير

بحيث يكون خشن اضيف الجمبرى واقلب اخليط واعملة اقراص متوسطة واقلية
17-نصيحة حربتيها اثناء الطهى توجهيها لاخواتك فى المنتدى؟
عند قلى السمك
اضع فى الطاسة نصف ليمونة +ان اكون وضعة صاجة صغيرة بقصها من علبة السمنة واضعها على عين صغيرة وفوقها لبان دكر وشوية بخور للقضاء سريعا على الرائحة مع غلق باب المطبخ علية حتى لاتنتشر الرائحة فى البيت كلة
18- نظام الرجيم اللى بتتبعيه مع ذكره؟
انا لا اتبع رجيم معين عند الزيادة اقلل من اكلى المعتاد مدة اسبوع مع اخذ معلقة زيت زيتون عليها نقطتين خل تفاح

19-افضل الا ختراعات اللى بتحبى تعمليها فى المطبخ اثناء الرجيم؟
عند تحمير البصلة للطبخ اصفيها بعد تحميرها

كتبت : زهره الاسلام

هههههههه طيب يا سحوره انا امبارح كانوا بيستجوبونى فى قسم الاناقه وجويريه عملتها فيا
مشكوره عين التسنيم موضوع جميل ومسلى

1ما هى اول أكلة عملتيها فى حياتك؟

مش فاكره خالص

2-ما هى اول اكلة وخسرت منك وماتكلتش؟

ملوخيه عملتها خفيفه جدا جدا

3-ايه اكتر اكلة بتعمليها وكل اللى يذوقها تعجبه؟

المحشى والمكرونه بالباشاميل

4-اول اكلة عملتيها بعد ما تزوجتى؟
ادعولى بالزوج الصالح

-لغير المتزوجات :اول اكلة نفسك تعمليها فى بيتك ان شاء الله؟
محشى وفراخ محشيه

5-اكثر اكلة من بلدك بتحبيها؟
الكشرى

6-اكتر اكلة من بلد تانية بتحبيها؟
الكبسه السعودى

7-اكتر حلا واكتر مشرب بارد وسخن بتحبيه؟
بحب البسبوسه والبقلاوه جدا
مشروب بارد الكاكاو بالبن وعصير المانجوا
مشروب ساخن نسكافيه

8- افضل المقبلات مع ذكر الطريقة؟

9-اسهل واسرع طبق واصعب طبق بالنسبة لك فى طهيه؟

اسهل طبق المكرونه بالصلصه والفراخ او الكفته
ما فيش حاجه صعبه بس المشكله انها بتاخد وقت زى المحشى

10-ايه الاكلات او المشروبات اللى مش بتاكليها ابدااااا؟

من المستحيل انى اكل الكوارع او المخ او الحاجات الى داخل الحيوانات

11-ايه اكتر انواع اللحوم اللى بتحبيها أسماك -لحوم حمرا_ دجاج.........؟
الفراخ بموووووووووت فيها جدا ومش باكل لحوم

12-موقف طريف حصلك بسبب الاكل؟

مره كنا عند خالى وكل علتنا متجمعه عنده وكنت بعمل كيكه تفاح وبعدين نسيت وسبتها فى الفرن وطلعت لونها اسود اتكسفت جدا لانهم عارفين انى بعرف اعمل اكل كويس وهم قعدوا يقولولى عادى ما فيهاش حاجه علشان ما يحرجونيش وبعدين حطيت بعديها كيكه تانيه وطلعت بنفس المنظر وبقيت عماله الف فى المطبخ واقول ادارى دى كمان ازاى

13-اكتر شيف فى المنتدى بتحبى اطباقها؟
فى بنات كتير بيعجبنى اكلهم

14-اكتر اكلة دايت عجبتك فى المنتدى ؟
مش فاكره بس هى كانت اكله عجبتنى اوى كانت فراخ بالخضار

15-اكتر اكلة دسمة عجبتك فى المنتدى؟

16-لازم تقوليلنا وصفة لطبق انتى بتحبى تعمليه كتيييير واتركلك حرية اختياره ما اذا كان طبق رئيسى او حلا ؟

سندويتشات فاهيتا الدجاج
صدرو فراخ - معلقتين زبادى - معلقتين مايونيز - 2 كاتشب- 2 م طماطم - نصف م كارى - ملح - فلفل اسود - م زبده - 2 فص ثوم - بصله متوسطه

فلفل حار - طماطم - خص - ملفوف احمر - جزر -

قطعى الفراخ وجميع المقادير شرائح طويله انقعى الفراخ مع المايونيز والزبادى والطماطم والملح والفلفل والثوم المفروم

شكل الفراخ وهى منقوعه

قلبى الفراخ فى معلقه زبده