بالمعقول .. خسرت 16ك في 9 اسابيع

مجتمع رجيم الحمية و الرشاقة و الرجيم
الكاتبة: Zezy Hanem

بالمعقول .. خسرت 16ك في 9 اسابيع

السلام عليكم

اولا احب ان اسجل اعجابى بالمنتدى الجميل ده
ويارب يارب يحقق لكل واحدة فيه هدفها ويكون خير لها ..اللهم آمين

اما بقى عن تجربتى فهى انى من فترة كبيرة كل ما اقول عايزة اخس شوية ماما واخواتى واصحابى يقولولى لااااااااااا انتى كده حلوة اوى ..طبعا اتلكك وانسى الموضوع وعمرى ما وزنت نفسي وكان لما حد يقولى وزنك اد ايه اقوله 60 : 65 تقريباااااااا ..طبعا كنت بحلم.

لغاية ما جيت في يوم اشتري ملابس وكل ما يعجبنى حاجة أجدها صغيرة او ضيقة عليا طبعا جانى اكتئاب وقررت اروح ومرجعش اجيب حاجة غير لما أخس.

وروحت لدكورة تغذية واتصدمت لما لاقيت وزنى 74 ك وطولى 160 سم
لدرجة انى فضلت ابكى ومصدقتش .. المهم دا اعطانى حافز قوي خاصة انه كان فاضل لى شهور على الجواز وكنت بحلم بفستان فرح جميييييييييييييل أظهر فيه فى منتهى الرشااقة ..(عقبال يارب كل بنوتات المنتدى) .

وبدأت بنظام معقول خالص بعيد عن الانظمة الكيميائية
فيه حوال 500 : 600 سعر يوميا

بالاضافة انى مكنتش بستخدم الاسنسير خالص مهما كانت الادوار اللى طلعاها عالية.

وأى مشوار قريب استغنيت فيه عن التاكسي.


وكنت بمشي كل يوم ساعة مشي بصراحة بطئ نوع من انواع الفسحة

وكنت بنزل في الاول 2 ك في الاسبوع وفضلت أقل أقل لغاية ما كنت بنزل كيلو او نص ساعات وفى 9 اسابيع بالظبط

اصبحت 58 ك

طبعا محدش كان يعرفنى حتى خطيبي كان مسافر لما رجع مكنش مصدق شكل

ويوم فرحى كنت 54 ك وكنت حقيقي بمنتهى الرشاقة

واستمريت على كده فترة طويلة ثابته بس مع الحمل ووالولادة رجعت 72 كيلو روحت مرة تانية للدكتورة وكان ابنى عمرة 18 يوم بس

ورجعت تاني 58
بنفس النظام


لكن دالواقتى انا بعترف انى اهملت بس بسبب مشاكل صحية وتخنت تانى لكن انا بدأت من أسبوعين ودالواقتى انا 68 ك عشان كده اشتركت فى المندي ادعولى ارجع تانى عند 58 واثبت بقى المرة دى


النظام اللى انا ماشية عليه

الفطار
ملعقة عسل ابيض صغيرة

+

رغيف سن
أو ربع رغيف بلدي

+

3 ملاعق فول بدون زيت
أو قطعة جبن قريش
أو بيضة مسلوقة

+

خيار وخس

+

شاى او نسكافيه بدون سكر

الغدا


رغيف سن
أو ربع رغيف بلدي
أو 3 ملاعق أرز مسلوق
أو 3ملاعق مكرونة مسلوقة

+

ربع فرخة مسلوقة او مشوية
أو قطعة لحمة مشوية أو مسلوقة 150 جرام
أو علبة تونة دايت (مصفاه من الزيت)
أو 2 سمكة مشوية
أو 2 بيضة مسلوقة

+

طبق سلاطة خضراء كبييييييير

العشا

فاكهة اى نوع ماعدا ( العنب والتين والمانجو والموز والبلح والمشمش )
أو علبة زبادى منزوعة الدسم


وبين الوجبات لو جوعت أو كنت ممكن أكل خيار ،طماطم ،خس ،جزر ،او فاكهه

وربنا معاكم كلكم



تحياتى لكل العضوات
زيزي هانم
ام ياسين
الكاتبة: LoveALLAH

الف مبارك نزول وزنك يا حلوة ويا ربي ترجعي تنزلي اللي زدتيهم

وبعد ما توصلي للوزن اللي بدك اياه..استشيري اخصائية عشان نظام تثبت الوزن وبعد هيك بترجعي تخففي لوحدك

موفقة يا رب
الكاتبة: %nano%

شـكــ وبارك الله فيك ـــرا لك ... لك مني أجمل تحية .
الكاتبة: Zezy Hanem



الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

ميرسي لمرورك على تجربتي ياجماعة

وربنا يوفق الجميع وكل واحدة توصل لهدفها باذن الله
الكاتبة: قطره ندى

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .
الكاتبة: حنايا الروح

ما شاء الله..

ألف مبروك حبيبتي..

وان شاء الله توصلي للوزن المثالي بصحه وعافيه..
الصفحات 1 2  3  4  5  ... الأخيرة

التالي
السابق