<<====== انطلاق قطار الرشاقه======>> يلاااا (*_*)
مجتمع رجيم / أرشيف رجيم
كتبت :
نـ،ـوال
-
ضناني الشوووق ..,,..
وعليكم السلام ورحمة الله وبركاته
اخبارج انتي علوومج ؟؟؟
ياخيتوو لازم نتشجع وانا اصلا احاول اشجعكم عشان انا كمان اتشجع والحمدالله انا راضيه عن نفسي اول يووم لي مع اني قايله ببدا يووم السبت بس اليوم خلاني اطمح اني باذن الله نازله نازله لحد الصيف بكون رشيقه
تصلحين قصدك يعني استخدم ولا شنوو ...؟؟ انزين اناا استخدمت تقريبا كل الرجيمات الي بالمنتدى هذا من قراايتي وكنت اتصفح اكثر من منتدى عشان اشوف الرجيمات وبعد عندي صحباتي كانو يشجعووني اني اضعف بما اني كان شكلي مب حلوو وانا دبدووبه قعدو ينصحووني وهالكلام الواايد لين ماحطيت فبالي اني اضعف
الرجيم الي اكثر شي استخدمته بحياتي هو الفطوور حليب خالي الدسم والغدا صدر او سمج مشوي مع خبز اسمر والعشا زبادي او فواكه
وبصراحه هالرجيم عاش معاي تقريبا سنه او اكثر
والزباادي الي اكثر شي استخدمه اكتيفياا عشان جي قطعته فتره لانه مليت من كثر اكله قلت اغير
بس عرفت انه هو السبب في ضعفي والحين رجعت لي من اسبوعين وفعلا ضعفت 2 كيلوو وبعد وايد يشبع واذ ماشبعتي كلي واحد ثاني هههههههه او تفاحه او برتقاله بس بصراحه انا يوم اكل برتقال اجووع اكثر
الريااضه مشي ساعه بالسير
و3 مرات بالاسبوع او مرتين امشي ساعه بالحديقه
يعني قولي تقريباا المشي ساعتين او ساعه ونص
والريااضه .. ضغط بطن على قد ماقدر مرات 40 ومرات 30 بس اقسمهم يعني
والدراجه الثابته 10 دقايق
والاوربتراك مرات 10 دقاايق ومرات ماسويها لانها متعبه بس مفيده جدااا
والدرج من اسبوع اسويه الحين وبعدي ماوزنت 10 دقايق كل يوم
بسسس
قبل كنت اشد جسمي بشوي حديد بس وقفته لين ماحس فيه ترهلالات
بس الحمدالله اني مافيني وايد وايد ينحل بالكريماات ..
التشققاات هذي قصدي الخطوط البيضه ؟؟ اذ تقصدين هذي انا ماعالجتها بس لها كريمات وسالت عنها عند نيوترشن بس مابشتريها لحد ماوصل للوزن المثالي باذن الله
صح الجو باارد حتى عندنا بس تعرفين انا اروح امشي برع الساعه 3 الظهر وقت الشمس .. الشمس مب حاره حااره بس داافيه وبعديني وم امشي برع البس صووف وملابس ثجيله عشان اعرق
والله يوفجج يارب انزين مجهوود الي وصلتي له واستمري على نظاامج الي نزلج جي .. ولا تملي واذ مليتي وقفي لمدة يومين او كلي وجبه يكون خاطرج فيها واليوم الثاني كلي بعد وجبه تكون خاطرج فيها
ايام الرجيم كنت شو اسوي الاسبوع فيه سبع اياام يوم رجيم يوم لا يوم رجيم ويوم لا بس الريااضه دايماا معاااي وانزل بالوزن كيلو او نص كيلوو
واقول الحمدالله احسن من ماا احرم نفسي واموت جووع
هههههههه
بس خلاص بطلت لعب وحابه التزم لحد ماوصل 50 حتى لو ماوصلت 50 المهم اوصل للخمسيناات
دايما خلي هدفج اقل من الي انتي تبيه لا تفكري ب 55 وبس
خلج طمووحه وقولي انا قدها
كلهم قالولي 60 وايد حلو بيكون عليج بس انا اقول لهم لا بنزل لين 50
خلج طموحه يالغاليه ولا تقولين مليتي
اذ مليتي جددي حياتج
سوي جدول وعلقيه بالكبت مالج
اكتبيه بخط ايدج وخلي القلم معاج عشان اول يوم يخلص اشطبي عليه
تعرفي امبااارح وحده تقولي ماعرفتج وايد ضعفاانه
استاانست واااايد
الله يوفجج يالغاليه واستمري ولا تياسي اوكيه ؟؟
