صينية الخضار بالدجاج للريجيم

مجتمع رجيم / الاطباق المتنوعة

كتبت : رودى المصرية

السلام عليكم ورحمة الله وبركاته

انا عارفه انها عادية بس اعمليها بس زي ما هقولك وان شاء الله تاكلي صوابعك وراها

المقادير
1- ربع كيلو خضار مشكل ممكن اضافة البطاطس
(بسلة وجزر وكوسة وطمام وفلفل اخضر )

2- نص فرخة وممكن تبديلها باللحمة نص كيلو
3-عصير2 طماطم
4- ملح وفلفل اسود حسب الحاجة
5- واحدة مرقة دجاج
لو عندك شوربة ممكن تحطي شوية
6- بصلة كبيرة
7-حبهان 3 فص
8- كبش قرنفل او مسمار 2 فص
قطعة قرفة خشب بس صغيرررة

الطريقة :

لو كنتي عاوزة تضيفي سمنة او زيت حمري فيهم البصلة قبل البدء في الاكلة
-لو عاوزاها من غير دهن يبقي قطعي الخضار والبصلة واعصري الطماطم في الخلاط ونضفي الفراخ كويس وحطي كلو علي بعضو في صينية علي النار شوية وبعدين دخليها علفرن ولما تستوي حمري وشها شوية

وكليها بالهنة والشفا مع طبق سلطة خضرا او تبولة وممكن قطعة خبز ريجيم

كتبت : لمياء الزيادي العتيبي

يعطيك العافية على هالوصفة
وممكن نحمر البصل في زيت زيتون مافي أشكال
دمتم بود

كتبت : white rose