انظمة الرجيم اللي بمشمي عليها خلال رجيمي هي كالتالي
ريجيم يخصر الجسم وينحت الوسط ويشيل البطن نهائي <مجرب
هالرجيم نقلته من منتدى والى كتبته احدى العضوات الى نزلت ب2 شهرين 25كيلو 00انا عجبنى واااكيد بيعجبكم
تنبيه :
اللي حابة تتبع هالريجيم المفروض تمش عليه بالحرف وراح تشووف النتايج اللي تسر قلبها
الريجيم :
أبدأي بأي يوم يناسبك من أيام الأسبوع واحفظية عشان ماتلخبطين مثلاُ
1 - السبت : لبن زبادي منزوع الدسم + خيار + خس ( ممكن تسوينها سلطة زبادي )
تاكلين بأي كمية وبأي وقت تحبين وكل ماحسيتي بجوع كلي بكميات كبيرة وكثري شرب موية
2 - الأحد : تـــــــــــــــفاح بأي كمية تحبين والتفاح يحسسك بالشبع أحسن من الزبادي
مسموح تاكلين تفاح طووووووووول اليوم حتى لو أكلتي 10 كيلو
3 - الإثنين : نرجع لنفس وجبة اليوم الأول اللي هي لبن زبادي منزوع الدسم + خيار + خس
وبأي كمية ( ولا تنسون الموية أشربوا قد ماتقدرون
4 - الثلاثاء : نرجع لوجبة اليوم الثاني تـــــــــــــــفاح وبأي كمية
5- الإربعاء : ( أي نوع بروتين لحم أبيض) دجاج مسلوق أو سمك أو بيض بأي كمية تحبينها وتحسسك بالشبع
- الخميس : خضار مسلوقة جميع أنواع الخضروات ماعدا ( البطاطس ) ويفضل تخلينها نص استوى عشان تمسك ببطنك
7 - الجمعة : سلطة خضراء : طماط + خيار + كرنب + خس + فلفل رومي + ليمون
8 - السبت : فواكه مشكلة جميع انواع الفواكة وبأي كمية ماعدا ( المنقا والتين والعنب ) هذي ممنوعة
9 - لبن زبادي منزوع الدسم + خيار + خس
10 - تفاح
11- يوم مفتـــــــــــــــــــــــــــ ـــــــــــــوح تاكلين كل اللي يحبه قلبك وبأي كمية
ونرجع من جديد نعيد الجدول بانتظاااااااااااااام
بأول أسبوع راح تلاقون صعوبة شوي وبعدين والله تتعودون
الجميل في هالريجيم انه يخلي الوجه ريان لأنه كله فواكه وخضار ولا يسبب
شحوب ولا يساقط الشعر
وبعد شهرين من التجربه تكتب العضوه تجربتها وشنو صار معاها
نزلت بأقل من شهرين
كان وزني 85 كيلو وشوي
والحين وزني 60
وتركت الريجيم لي تقريبا شهرين بس منتبهة على أكلي يعني آكل كل شيء بس مو لحد الشبع
والحمد لله مارجع وزني
والله حضرت مناسبة زواج بعد مانزل وزني وكل الناس يقولون مسوية شفط هههههههههههههههههههه
هذاا لريجيم يخصر الجسم وينحت الوسط ويروح البطن نهائي
والله عظمتين حوضي برزت من كثر بطني مو لاصق بظهري
والحمد لله
وعقبال كل سمينة يااااااااااااارب
ــــــــــــــــــــــــــــــــــــــــــــــــــ ـــــــــــــــــــــــــــ
عشرة ك بسبوع
السلام عليكم ورحمة الله وبركاته...~
مابقولكم الرجيم لين اسوي شوية حشرة فالمقدمة...~
هالرجيم ربيعتي سوته وبدون رياضة ونزلت عليه في اسبوع واحد 10 كيلووووو وجسمها استوى خبااااال...هي من قبل كانت ملامحها كيوت بس وزنها مخرب عليها لان فيه فيه زيادة مال 15كيلوووو ويوم سوته اول اسبوع نزلت 10 كيلو والاسبوع الثاني تقريبا نزلت مال 12 كيلو على كلامها يعني وصلت للمثالي طلع جمالها وبين وييها وماشالله عليها تبارك الرحمن استوت صدق صدق صدق كييييييوت فالشكل والجسم^^
ويا حبايبي الرجيم بيكون متنوع يعني مب بس نوع واحد عشان نحن مانبغي نرجع نزيد الوزن الي خسرناه بسهولة..لان معروف الي اي بسرعة يروح بسرعة...~
الرجيم ...~
اليوم الاول...
الفطور ===== حليب خالي الدسم او لبن خالي الدسم + تفاحة..~
الغداء ===== كورنفلكس بو ديج ويا حليب خالي الدسم او لبن خالي الدسم(الكمية الي تبينها بس كمية معقولة يعني حدج صحن ونص ) ..~
العشاء ===== عصير اناناس وكيوي بسسسسسسس ^^
اليوم الثاني...
الفطور ===== شريحة توست محمص (او شابورة بالنخالة) + حليب او لبن خالي الدسم..~
الغداء ===== سلطة (خس+خيار+ نص ملعقة مايونيز لايت + تونة بالماي بدون زيت ابد..تقدرين تحطين فلفل اسود بس لو تخففين الملح قد ماتقدرين وااااااايد احسن لان الملح يبطء نزول الوزن )
العشاء ===== عصير اناناس وكيوي بسسسسسسس ^^
اليوم الثالث..~
الفطور ===== شريحتين انااناس + حليب خالي الدسم..~
الغداء ===== نص صدر دياي + سلطة (خس وخيار ) + شريحة جبن خالي او قليل الدسم..~
العشاء ===== عصير اناناس وكيوي بسسسسسسس ^^
اليوم الرابع..~
الفطور ===== حليب او لبن خالي الدسم + تفاحة..~
الغداء ===== قطعة همبرجر مشواي+ خضار عالبخار
العشاء ===== عصير اناناس وكيوي بسسسسسسس ^^
اليوم الخامس..~
الفطور ===== حليب او لبن خالي الدسم + نص حبة جريب فروت او حبة كيوي..~
الغداء ===== بيضتين مسلوقتين + سلطة فواكه
العشاء ===== عصير اناناس وكيوي بسسسسسسس ^^
اليوم السادس..~
الفطور ===== 2 حبة فاكهه + شريحة توست + حليب خالى الدسم
الغداء ===== سلطه خضراااء ( تقدرين تضيفينلها قطع بسيطة صدور دياي او تونة بالماي لو حبيتي ) او صحن ونص كورنفلكس بحليب خالي او قليل الدسم..~
العشاء ===== عصير اناناس وكيوي بسسسسسسس ^^
اليوم السابع..~
الفطور ===== تفاحة خضراء + حليب خالي الدسم..~
الغداء ===== 3 حبات نقانق مشوية + سلطة (خس وخيار)
العشاء ===== عصير اناناس وكيوي بسسسسسسس ^^
