مجتمع رجيمالاطباق المتنوعة

أسهل و أسرع طريقة للبشاميل

حبيت اقولكم على أسهل و أسرع طريقة للبشاميل و طبعا انا مجرباه بنفسى و اللهى, طبعا احنا مشكلتنا انه بياخد وقت طويل على النار و نقعد نقلب نقلب لغاية ما ايدينا تتهرى و ممكن كمان الدقيق يكلكع و يتجمد و حاجات من دى لكن بطريقتى ان شاء الله تكون اسهل و اسرع و للامانة انا اتعلمتها من ماما و خالتى ربنا يخليهم و يديهم الصحة يا رب

البشاميل
انا عن نفسى بحب البشاميل السايح اللى بيخلى المكرونة زى اللزانيا و اللى بتحبه تقيل يبقى تزود كمية الدقيق حوالى معلقتين او تلاتة

تغلى لتر لبن حليب يعنى تقريبا 4 اكواب و نحط عليه معلقتين زبدة و ملح و فلفل حسب الرغبة و اثناء ما هو على النار تضربى فى الخلاط 5 ملاعق كبيرة دقيق مع نص كوب ماء او لبن و اول ما اللبن اللى على النار يغلى نوطى النار و نصب عليه اللى فى الخلاط بالراحة مع التقليب و فى اقل من 3 دقايق هيكون جاهز معاكى اسهل و اسرع صلصة بشاميل ان شاء الله

ملاحظات

ممكن بدل اللبن الحليب تستخدمى لبن بودرة فى الوصفات دى كلها انا بستخدم معلقة كبيرة لكل كوب ماء يعنى 4 ملاعق للتر
بضرب النيدو مع الماء كمان فى الخلاط عشان يدوب كويس

الاسرع بقى لو عندك غلاية الماء الكهربائية
يبقى هتسخنى الماء و تحطيه على النار و تاخديه شوية صغيرين تضربيهم فى الخلاط مع الدقيق و النيدو
انا اسوي بشااااميل دايما وتاخذ من وكت

ومشكوووووووووره حبيبتي ع الموضوع
العفو يارب تظبط معاكى
تسلمي على الطريقة السريعة
يعطيكي الف عافية حبيبة قلبي
طريقة كثير سهلـــــــــــــــة
الله يعافيكم و يسلمكم من كل شر
1 2  3 
كلمات ذات علاقة
للتصاميم , أسرع , أسهل , طريقة