يومياتي مع الجسم الدرقي

شفت صورة مكرونة واشتهيتها .. فقررت يكون عندي مرة بالأسبوع مكرونة مصنوعة من القمح الكامل بدال الرز البني

وأخيرا شريت أوراق التوت من المرواني
عندهم نوعين .. شي اسمه أوراق التوت وشي اسمه العليق
فأنا خذت العليق لأن فوائده المكتوبة تحته هي اللي قريت عنها
بس ممكن المقصود الثاني .. مدري .. احترت

وطعمه مو حالي زي ما تصورت .. طعمه قريب من طعم الشاي الأخضر

.....

مريت على أوشيانا اللي في مارينا مول .. وشريت منهم كشري عن خاطري .. مشتهيته من زمان
بس للأسف طلع مخيب للآمال .. مو نفس الكشري المصري اللي على الأصول وما فيه رز واجد
وبذلك تكون هذي أول مرة أكسر فيها الرجيم*

فطرت برتقالة وبعد نص ساعة كلت نص تفاحة وبعد نص ساعة فطرت فطوري تبع الرجيم مع الشاي الجديد

طبعا حركة أكل الفاكهة على الريق ووضع نص ساعة بعد كل وحدة .. حركة مقصودة .. لأن لكل فاكهة مدة هضم خاصة فيها .. وعشان تقوم الفاكهة بتنظيف البطن

في حركة سويتها .. وهي .. الباقي من الشاي غسلت فيه وجهي
لأن يقولون أوراق التوت مفيدة لحب الشباب مثل ما قرأت بمقال باللغة الانجليزية

سويت رياضة على الأوربت تراك لمدة 25 دقيقة
حسيت فيها بشي غريب .. وهو تنميل بفخوذي .. مدري إيش سببه .. ببحث عنه
بعدين سويت تمارين بطن بعدين كملت 5 دقايق على الأوربت تراك
بعدين سويت تمارين خصر
بعدين تروشت والحين أشرب مشروب حرق الدهون

العليق اللي شريته من العطار يسبب الصداع
وفعلا قريت بالنت شي زي كذا
فأفكر بالصباح أشرب عليق وبالليل أشرب بداله شاي التوت اللي شريته من التميمي