يومياتي مع الجسم الدرقي

تغديت نفس غداً أمس

قص علي العطار .. طعم الشاي مو حلو .. وعااادي كأنه شاي أخضر
وكل اللي بالنت يقولون هالشاي طعمه حلو

أبي أطلبه من النت
عجبني اللي هنا

http://www.juliangraves.com/drinks/t...a-20-bags.html

بس ما أعرف كيف أطلب من النت : (

حصلت طريقة الرجيم مكتوبة بالانجليزي
هنا
http://www.hcmionline.com/education/..._type_diet.pdf

طبعا رجيمي آخر واحد .. اللي هو الدرقي

أفكر أسوي لي رز أسمر حسب المكتوب بالرجيم
بس آخر مرة ذقته ما عجبني طعمه
ببحث بجوجل عن طريقة لإعداده بطعم جيد

أفكر ألغي الجزر من السلطة
بحثت عن هل ممكن يؤثر الجزر على الرجيم
لقيت ناس يقولون فيه سكر وهو من الخضروات النشوية زي البطاطس
ويستخدم في تثبيت الوزن مو في إنزال الوزن

وناس قالوا لأ ما يؤثر على الرجيم

عموما بلغيه للاحتياط

عشاي سلطة تونة بالزبادي مع كاس حليب

السلطة خذت طريقتها من النت وحذفت منها المايونيز
وفيها تونة وزبادي وثوم وليمون وبقدونس وملح وفلفل أسود

امممم طعمها مو مميز .. بس لا باس فيها .. ممكن لأن ناقصها المايونيز وممكن لأني استخدمت علبة الزبادي كبيرة فصارت التونة تسبح في الزبادي


..........

عندي فضول أسمع شريط تخفيف الوزن بالبرمجة العصبية للدكتور صلاح الراشد
لقيت ناس يمدحونه وأنا أبحث بجوجل
ببحث عن رابط تحميله في النت

يا رب .. ارزقني شاي أوراق التوت .. لذيذ وصحي .. يدفع عني الشعور بالغثيان الذي أشعر به الآن وينظم لي عملية الأيض ويصغر حجم معدتي
اللهم آمين

أمس قبل ما أنام كنت أتفرج على صور أكل في تمبلر وكانت صور من النوع اللي يسيل عندها اللعاب ويزقزق البطن وكلها من الأشياء الممنوعة عندي بالرجيم
فصارت أحلامي كلها أكل بأكل وحلمت إني آكل قطايف محشوة بيض مالح >> شلون تجي مدري
وكان طعمها لذيييييييذ .. كلت منها حبة كاملة لا شعوريا
وجاني تأنيب ضمير إني خربت الرجيم وكلت وجبة رابعة بنفس اليوم وفيها حلى

ويوم صحيت اكتشفت إنه كان مجرد حلم وقلت الحممممد أني ما خربت الرجيم بالحقيقة ههههه*