معاناتي مع الوزن

بااك ..

بالصيف الي راح تخرجت من الجامعه
سافرنا عند اهالينا بديرتنا طبعا بنات اعمامي اجتمعو كلهم في منهم ماشافني الا وانا صغيره
حسيتهم تفاجئو من شكلي ياررررررررربي كل من شافني يجلس يناظر
كانهم اول مره يشوفو انسانه منفوخه

قالت لي بنت عمي انا سويت رجيم ونزلت 30 كيلوو
وبنت خالي كنت انا وياها تووم نفس الشكل ونفس كل شيء
حتى الناس تخربط بينااا

تخيلو يابنات وزنها 60 كيلووووووو اقل من نصفي
اخوي برضوا نازل 60 كيلوو وزنه صارر 90 بعد ماكان 150

مره من المرات
كنا بتمشيه عالبحر
روحنا الحمام والقارئين بكرامه
لقينا بنتين يلبسون ملابسهم وانا ابي ادخل الحمام
وحده منهم تقريبا من شكلها عمرها 30 ومافوق
تدرووووووووون ايش قالت لي ؟؟؟
قالت لي ياخـــــــــاله لاتدخلين الحمام وسخ
انا انفجعت من كلمتهااااااااا جلست ششوي استوعب الكلمه
انا عمرها 20 وهي كبيره وتقولي ياخاله

برضوو قصه ثانيه
بنت اخووي انا بصراحه صرت اشوفها اتحاشاها لانها بس تشوفني تقولي يادبه
ماتقول عمتي بس البنت صغيره عمرها 7 سنوات
صارت تناديني قدام الناس وبالسوق ياااااادبه تعالي ويادبه اجلسي

اقسم بالله يمكن ولا وحده سمينه عانت مثل الي عانيته انااااا
خلاص كل الي كانو معاي زايدين بوزنهم راحت اوزانهم وصاروو رشيقين
الا انا

فقررت من يوم 1- 11 - 1432 هـ رجيميي


يتبع

رجيمي كان بترك الغازات اصلا انا مو من عشاقها يعني تركتها من سنه وماهتميت لها ماشربها كثير

من تاريخ 1 - 11 - 1432 الــــــــــى 10 - 1 - 1433
نزلت 21 كيلووووو والحمد لله وزني الحين 106

اخواني يشجعووني بطريقه حلووه
طبعا طريقتي

بديت امشي عالسير الكهربائي نصف ساعه يوميا 2 كيلو و500 متر وازدادت تدريجي لين وصلت الحين امشي 5 كيلوو و600 متر لمده 66 دقيقه بالضبط
وبعدها تمارين ربع ساعه
بنفس اليوم اسوي رياضه لوحدي منها رقص ومنها مشي وانا واقفه لمده 20 دقيقه

وبالنسبه للاكل
يتبـــــــع

اهم شي برجيمي المويه ثم المويه
مكونات اكلي خلاال شهرين و10 ايام

((( خبز اسمر +تونه و+سلطه +جبنه خاليه الدسم +حليب خالي الدسم +زبادي برضو تبع الرشاقه+زر مسلوق كميه جداا قليله +
فواكه ماعدا الموز والمنقا+ سلطات خضرا + شوربه قليل بس علشان البرررد + صدر دجاج اكلت هالطبخه 3 مرات بس +
مره وحده اكلت مشويات + خضار مسلوقه ماعدا البطاطا + لبنة الرشاقه )))

يعني بالشهر مره طبعا الشهر الي فات كان فيه عيد الاضحى فتحت 4 ايام ورا بعض ههههههههه
برضو فتحت مرتين على حلا ومره من جوعي اكلت رز بس ماكثررت
ومره فتحت على اندومي ههههههه
زودتهاا مووووووووو ؟
بسس هالمره ارادتي فوق كل شي
والايام المفتوحه كانت ببدايه الرجيم الحين الحمد لله بفضل الله معدتي تعودت على الرجيم وماحس بالجوع كثير


لان عندي هدف بشهر 8 زواج اخوي ولازم اخف بكثير وافاجيء الكل
ولازم البس فستاني الي علقته من لحيين

هدفي طبعا اوصل 60 بان الله يارب اوصل
يارب حقق احلامي يارب العالمين

يعني من 127 الــــــــى الوقت الحالي 106
نهاية هذا الشهر باذن الله يكون 100
ورايحه اكمل دراستي السنه الجايه ان شاء الله اذا عقدتي راحت


اذا تذكرت شي بجي اكتبه

برب ..

نسسيت
ابي اجي كل اسبوع اكتب وزني كونوووووبالقرب
وبكون هوون لين نهاية شهر 7 اذا ربي كتب لنا عمررر ياقمراتي البطات ههههههههآآآآآآآآآآي

ابي تشجيع يابنات ابي بصلواتكم تدعون لييي
الله يوفق ويرزق كل بنت تدعي لي اني انحف

ماشاء الله عيني عليكي بارده

ومبروك نزول وزنك وان شاء الله توصلي للمثالي

تقبلي مروري