class="quote">اقتباس : المشاركة التي أضيفت بواسطة ريما الرشيقة:
هلا اسومة بسالك كيف طريقة برجر الخضار
الطريقة جدآ جدآ سهله
المقادير
خضارك الي تحبينها
انا استخدمت
4 جزرات صغار قطعيها 4 اقسام
بطاطس صغار تقريبآ 6 الى 8 حبات قطعيها ارباع
كوسة
فليفلة نص حبة
بصلتين مفرومين ناعم اذا تحبين البصل خليها 4 صغار
بزاليا خضرا نص كاس
بهارات
طحين
بقصماط
بيضتين
الطريقة
1-طبخي الخضار على البخار(قدر فيه شوي ماي حطي فيه الخضار وصغري عليه النار وخليه يطبخ) مجرد ماتنطبخ الخضار
حطي عليه بهاراتك انا استخدم فقط كمون وملح
2-البطاطس سلقيه لحاله في قدر بعدها شيلي عنه القشور
3-جيبي قلاية تيفال وحطي البصل الى ان يتغير لونه ولو ماعندك تيفال حطي ملعقة صغيرة زيت للبصل وصغري عليه النار وحطي له غطى وخليه يتغير لونه
4-في الأخير خذيهم كلهم مع بعض في الخلاط وخليهم يصيرون نفس العجينه اذا صارت سايلة ضيفي طحين الى ان تصير نفس العجينة تالي وقفي اضافة طحين
5-شكلي البرجر اقراص غمسيه في البيض بعدها البقصم
6-حطيها في صينية دخليها الفريز تتجمد اذا تجمدت حطيها بحافظة او اكياس وكل مره تبين تاكلين طلعي منها واشويها او اقليها بملعقة زيت
(طريقة لصنع اقراص البرجر اخذي قفاز شفاف لبسيه خلي جنبك صحن فيه زيت
وكل شوي مسحي القفاز بالزيت وشكلي اقراص>>الزيت يمنع ان القرص يتلزق بيدك)