يوميات مهندسة غزاوية تعبت من الريجيم

حبيباتي بدي أسألكم
أنا اليوم من الصبح صحيت شربت كاسة مية ع الساعة 7 وربع صباحا ، وبعدها على طول الزنجبيل ،،،،
وبعدين جلست على 7 ونص فطرت ( خبز فرشوحة عراقي + حمص وقليل من الأفوكادو ),,,,
وبعدين طلعت على شغلي ،،،، هنا بالشغل شربت كاسة شاي وبعدين صار موقف ضايقني كتير ، ونفسيتي تعبت ،،،، فروحت بعتت المراسل يجيب لي تفاح أحمر
شعرت نفسي كتير جوعانة ،،،، وأكلت 3 تفاحات ورا بعض :(

هلأ حاسة حالي معدتي حتنفجر منهم

قولتكم ممكن يزيدوا وزني التفاحات :(
طيب شووووووووووووووووووووووووووووووو أعمل

حبيبتي قرات قصتك كامله شو بدي احكي والله مو عارفه من وين بدي بلش
بس حبيت احكيلك انو الشب يلي متقدملك مو من حقو يشرط عليكي هيك شرط
بكفي انو ماخد بنت متعلمه ومتربيه وجميله زيك
يعني هاد تعليقي عخطبتك
هلا انارح احكيلك تجربتي وانشالله عن قريب رح نزلها بموضوع هون لانو بدي الكل يستفيد ويعرف انو مافي شي اسمه مستحيل
حبيبتي انا بشهر 3 الماضي من هاي السنه كان وزني 120 كيلوو
انا الحمدلله متزوجه وزوجي ابن حلال بس كان فيه عيبه وحده انو كان عم يشوفني بضخم مندون ما يحكي او يعلق عشان ما يجرحني هو مفكر هيك ما بجرحني
بس عارفه لما بعد فتره صار يحكيلي عن انو كان يتمنى انجرحت اكتر
المهم من شهر 3 الماضي سجلت بنادي رياضي وتخفيف بلاكل لانو طبعا ما قدرت فجاه انقطع من الاكل فتدرجت بالتخفيف لحتى قدرت اتحمل الريجيمات والحرمان
فنزل وزني لبعد رمضان الى 98 بالنسبه الي كان انجاز لانو واخيرا شفت اللرقمين عالميزان
هووووون دخلت عالم منتدى ريجيم واتعرفت عبنات عسل التزمناا للغايه بريجيم ورياضه ومن يوميا ليوميات هيك قبل 3 اشهر والحمدلله اليوم وزني 66 كيلوووو
واااااااااااااااااو حتى انا ما حلمت بهالشي
كلشي اختلف تطليعتي بالمراي اختلفت
اكلي اختلف شكلي اختلف
ثقتي بنفسي علاقتي بزوجي وببتي وايني اختلفت
طبعا وما زلت مستمره
اخدت عنفسي عهد ما اترك منتدى ريجيم وصديقاتي
ما اترك الاكل الصحي برغم من انو كل 7 ايام باخد يوووم بدلل نفسي فيه

الرياضه ابدا ابدا ما تركتهاااا
كل اسبوع الي نظام عشان ما مل
الاعشاب بشرب رفيق دربي الليمون والكمون عالريق الصبح
والشاي الاخضر
وكنت ازا ثبت الوزن اعمل عصير ثبات الوزن يومين او تلات وبعدا ارجع للريجيم
طبعا شطبت المجاملات نهائيا وصاروا سواء اهلي واهل زوجي يعرفو اني بعمل ريجيم كنت اروح عندهم الايام المفتوحه
لحتى قدرت اتحكم بشهيتي صرت ازور ويجينا زيارات وانا ملتزمه بنظامي
والحمدلله
الملخص
انتي بنت قويه وهاد معروف عنكم عندكم تصميم واراده هاد مافي شك
بدك تصبري الموضوع مو كبسة زر
بدك تحطي تعليقات الناس واحباطهم ورا ضهرك
ما تتركي الرياضه لو تعبانه امشي بالبيت تحركي الحركه بركه
الاعشاب مفيده للشهيه بس لحالها ما بتعمل شي
المي لا تتركيها اشرب لا يقل عن 3 لتر

وشووو كمان بس
موفقه حبيتي بمشوارك حطي ببالك هدف وماااا تستعجلي الله ينحفك بصحه وسلامه

class="quote">اقتباس : المشاركة التي أضيفت بواسطة مهندسة غزاوية:
حيااااااااااااااااااااااك الله حبيبتي ،،،، وده شرف ليا
منتظرااااااااااااااااااااااااااااك