عودة من جديد - تحدي 25 كيلو ،،، قولوا يارب

السلام عليكم ورحمة الله وبركاته كيف حالكم صبايا ،،،، سامحوني انقطعت عنكم الفترة الماضية ، بسبب ظروف خاصة مريت فيها المهم هلأ أنا نفسيتي كتير تعبانة...

مجتمع رجيم / أرشيف رجيم
مهندسة غزاوية
اخر تحديث
عودة من جديد - تحدي 25 كيلو ،،، قولوا يارب

السلام عليكم ورحمة الله وبركاته
كيف حالكم صبايا ،،،،

سامحوني انقطعت عنكم الفترة الماضية ، بسبب ظروف خاصة مريت فيها
المهم هلأ أنا نفسيتي كتير تعبانة بسبب الريجيم

الحمد لله لو راجعتوا يومياتي ،،، أنا نزل وزني ما يقارب 25 كيلو ،،، بديت من رمضان الماضي ، وكان ينزل على اوقات متفرقة ،،، لكن الانجاز 25 كيلو
بديت بوزن 111 كجم ،،، ووصلت حاليا لوزن 87
قبل أسبوعين كان وزني نزل ل83.5
لكن كانت زيارة خطيبي ليا ،،، وبنفس الوقت عرس أخي ، وما صاحبه من سهرات وعزايم ،،، سبب انه وزني خلال 10 ايام زاد 4 كيلو :(

خطيبي أحبط ، وتضايق مني كتير
باقي على عرسنا شهرين ،،، وأنا بصعوبة بينزل وزني ،،، وبسهولة بيطلع بصورة فظيعة

بصراحة تعبت من كل الدكاترة
تعبت من كل الناس
ما عاد عندي ثقة بحد

بدأت من مبارح ،،، قلت أرجع أعمل ريجيم تاني بطريقتي الخاصة
قبل الافطار :
1- حبة حبوب سليم بدي مع كاسة مية
2- أعشاب وملعقة زنجبيل مع كاسة مية
وبعدين الافطار عبارة عن لبن زبادي مع حبة مولتو ،،، لأني بحس الصبح انه السكر نزل من جسمي كتير

بين الافطار والغدا بكون في الشغل ،،، بشرب كاسة شاي اخضر ، وبشرب 1 لتر ماء

الساعة 3 ونص وجبة الغدا
بس قبل الوجبة حآخد كاسة مية منقوع القرفة ،،، وعاوزة أضيف لها الشومر
الغدا يكون شوربة خضار مع قطعة لحمة أو سمك مشوي

وبين الغدا والعشا عاوزة اشرب كاسة شاي اعشاب رويال .
وأبقى على شرب الماء
الساعة 7 مساء عاووزة ألعب رياضة 5 ميل وايضاً تمارين البطن 100 مرة
العشاء يكون فاكهة أو لبن زبادي


شو رايكم صبايا
هيك بيكفي ، ومنيح انه وزني ينزل ،،،، ولا لازم أعمل شي كمان
ضروري تفيدوني
الله يبارك فيكم
والله تعبت كتير من الموضوع
وحاسة حالي راح أنجن


الله يبارك في كل اخت بتساعدني بالموضوع ولو بكلمة

ربي يحفظكم ياااااااااااااارب
(ghada)
ما شاء الله عنك المهم بهذا الموضوع الارادة ةان شاء الله تصيري احلى سمبتيكة
انجاز رائع استمري وان شاء الله توصلي للوزن المثالي باذن الله بس بتوقع افضل لو وضعت حصة نشويات كاملة بالالياف توست اسمر او ارز اسمر

كل عمل هو صورة ذاتية للشخص الذي أنجزه فذيل عملك بتوقيع التميز

إذا كنت تستطيع تخيل صورة ما، يمكنك أن تجعلها واقعا. وإذا كنت تستطيع أن تحلم، يمكنك تحقيق حلمك.


دمتي بحفظ الله ورعايته
مجرد طفلة
اهليين مهندسة
وحشتينااا

النظام حلو كثير
بس بدل البسكوي اللي رح تاخدي الصبح
خدي قطعة توست مع ملعقة عسل بيكون احسن
لانه النشويات فيها سكريات بطيئة فبتفضل في الجسم اكثر
و بتحسسك بالشبع
احسن من السكريات السريعة اللي فالشوكولا و البسكوي
لان الجسم بيستهلكها بسرعة و يرجع يجوع ثاني

غير كده نظامك حلو
استمري عليه
ربنا يوفقك
الصراحة
حبيبتى مهندسة
أنستينا بعد طول غياب
بالعكس المفروض تكونى متفائلة و واثقة من حالك
25 رقم كبير و ينم عن إرادتك و تصميمك
موفقة حبيبتى حتى انا نزلت مثلك
و باذن الله راح نوصل للهدف
cute princess
الله يوفقك يارب وتوصلى للوزن اللى حابة توصلي له بألف صحة وعافية
ونصيحة لنزول وحرق سريع
حولى كل شئ ابيض الى اسمر
الرز
والخبز
والسكر
والدقيق
وهكذا
العشاء يكون زبادى
السلطة ابتعدى تماماً عن الطماطم والجزر والبصل
والفاكهة يكون محوركـ يدور حول
الاناناس والكيوى والبطيخ والتفاح الاخضر
ولا تنسى تشربى ماء كثييررررر جداً
ولا تاكلى بين الوجباتـ
وحولى زيوتكـ الى زيت زيتون فقط لا غير
ولا تنسى المشروب الحارق مرتين باليوم
والله يوفقك
أمواج رجيم
غاليتي
ابتعدي عن المشروبات الغازية والقلي والنشويات
وحافظي على المشي وعصير الاناناس

التالي

ساعدوني بليز ....

السابق

كيفيه التخلص من الكرش

كلمات ذات علاقة
تحدي , حارة , جديد , عودة , ،،، , قولوا , كيلو