30 كيلو في شهرين - تحدي من جديد

السلام عليكم ورحمة الله وبركاته
كيفكم صبايا
سامحوني ع الانقطاع ولكن لظروف قاهرة جداً لا يعلم بها الا الله
أنا الحمد لله كنت نزلت وزني من 111 الى 85 قبل سنة تقريبا
ولكن نتيجة لهذه الظروف اللي مريت بيها رجع وزني زاد للاسف الشديد ، قولوا هلأ وصل 100
حاولت كتير اني ارجع التزم تاني بالريجيم بس للاسف كنت افشل :(
لذلك تذكرت انه العامل الاساسي كان وراء اني نزلت وزني المرة الماضية هو صحبتكم الصالحة ورفقتكم وتشجيعكم لي :)
فقلت مالي الا اخواتي في المنتدى نشارك بعض ونشجع بعض ، واكيد مش حيبخلوا عليا بتشجيعهم ونصائحهم ....

هلأ اليوم التاريخ 9/2/2014 ووزني 100 كيلو ، وراح أصير اتوزن كل يوم جمعة باذن الله
اليوم من الصبح شو صار معي
صحيت تقريبا الساعة 7 صباحاً ، شربت حبة دوا من دوا سليم بدي ،،، مع كاسة ماء دافية ، وبعدين حطيت كاسة اعشاب وشربتها ( خلطة جيبتها من عطار )
وايضاً ماما نصحتني أخد ملعقة صغيرة من بذور الكرفس مع كاسة ماء ايضاُ
وبعد كده تقريبا على 8 أخدت كوب لبن زبادي
وبعدين خرجت للعمل وصلت مكتبي على 8 ونص ، وع 9 شربت كاسة شاي أحمر مع قليل من سكر الفواكه
وعلى 10 اكلت خيارة واحدة
ومن وقتها الى الان الساعة 12 ونصف ، كل ساعة باكل خيارة ، وشربت ايضاً كاسة شاي اخضر مع سكر فواكه

شو رايكم بجدولي لهلأ ؟؟؟؟؟؟؟؟؟؟؟؟؟؟

ضروري تشاركوني بنصائحكم لأني محتاجة تشجيع وداخلة ع تحدي كبير
اما ان اكون او لا اكون