إيدي بإيدك رح ننزل ال 10 كيلو إن شاء الله
مجتمع رجيم / أرشيف رجيم
كتبت :
فووفوو
-
السلام عليكم يا أحلى وردات في حياتي:3473749b:..
معلش سامحوني بجد أنا مش عارفه زودتها قوي وكل ماوعدكم اني مش هغيب ماعرف ايه اللي بيحصل .. والله غصب عني .. اعذروني احنا بنهاية السنة الدراسية وعندي شغل بالعبيط .. ومن يوم الخميس اللي فات أهه بقالي اسبوع ماكتبتلكم .. حتى اليوم اللي لقيت فيه وقت شوية وكان ممكن أدخل اكتبلكم أول امبارح لقيت المنتدى واقع وافتكرت ان العطل من عندي انا بس فهمت انه معطل للتعديلات .. وكمان اتاخرت الأسبوع ده في تسجيل نتيجتي وعلى مافتكرت اني هترك التسجيل لآخر يوم مسموح اللي هوه الأتنين .. اكتشفت انه كان الثلاثاء .. يعني فاتني التسجيل الأسبوع ده .. يالا معلش .. المهم اسجل بدري الأسبوع ده ان شاء الله لا يطردوني من المسابقة ..
وعلى كده بقه متفتكروش انه كان اسبوع برئ مع كابتن فوفو .. بس اوعوا تزعلوا مني .. هوه كان تخبيص بنسبة 25%
كع العلم اني طول الأسبوع ببدأ اليوم حلو قوي لحد العشا .. وماعرف ايه اللي بيجرالي ساعتها يبدأ الجنان يشتغل .. والحاجة الوحيدة اللي التزمت بيها قعلا هيه المشي ساعة يوميا .. أما عن الماء فكان زي الأكل .. بالنهار حلو قوي وبالليل مابشرب ..
بس يعني مش هقول اني رجعت ظبطت تاني .. بصراحة لسه شوية بس نسبة التخبيص بقت حوالي 15 % كده ..
والله متضايقة من كده بس اللي مصبرني شوية اني الحمدلله الوزن مضربش ..لأني كنت نزلت كيلو في بداية الأسبوع الماضي ..وعمالة ألعب في الكيلو ده ..ازيده وانقصه وهكذا .. و ربنا يثبتني عشان لو الوزن ضرب نفسيتي هتتعب قوي ..
صحيح يا بنات حرام تعبنا يروح على الفاضي .. واحسن حاجة اننا بنحاول نفوق لروحنا .. أو على الأقل ميبقاش الموضوع كله مضروب .. يعني فينا اللي يلتزم برياضة ويخبص في الأكل .. في العكس .. وبرضه بالنسبة شرب الميه.. المهم ان في شوية التزام يعوض نقص الحاجات التانيه .. لحد مانقف على رجلينا تاني .. الواحد عايز عزيمة حديد بس للأسف من وقت للتاني بيصيبنا ملل وفتور وإحباط .. لكن مش مفروض نطول ..
خلااااااااص زمن الطبطبة انتهى .. وانا اول واحده محتاجه اتهزأ :3c68bb64:.. والصبح بقول لبيرو جملة زهوووووورة الللي لايمكن أنساها
( إذا كان رب البيت بالدف ضارب فشيمة أهل البيت الرقص ) :af48944b: مش كده صح يا زهرا :0fbbf481: وانا المفروض كنت القدوة بتاعتكم:1894c7a1:
ميرنـــــــــــــــــا .. يا روح قلبي:4e5dd44a: .. وحشتيني مووووووووت .. ومبروك ال 800 جم ومتزعليش على اللي عملتيه .. الحمدلله اننا بنفوق ونكمل .. انا كمان كان عندي ضيوف في البيت كام يوم ونظامي لخبطتة شوية .. صحيح البعد عن المنتدى بيشجع عالتخبيص .. بس صدقوني قعدت 4 أيام مافتحت جهاز الكمبيوتر أصلا مكنتش فاضيه أهرش ..:332f960b:
زهوووووورة .. حبيبة قلبي:4e5dd44a: .. ربنا يكرمك في الإمتحان .. انا صحيح مكنتش بفتح هنا لكن فاكرة تاريخ امتحانك ومسجلاه عندي ..وكمان قلت لبيرو امبارح ودعينالك وانا بكلمها كمان انهارده الصبح دعينالك .. وطمنينا عليكي ياقمر لما ترجعي ..:9a9e6a59:
بلوورووز .. وحشاني ياجميل .. سلامة ابنك ألف سلامة .. وحلوة الأدعية انا احتفظت بيها عشان الأولاد .. جزاك الله كل خير .. ها أخبار الجيران ايه ؟ مش سامعالهم حس يعني مشتكوش عند البوليس.. أضحكك بيرو بتقولي مبتعملش رياضه قلتلها لأ لازم لأن وزنها مش بينزل مع انها ملتزمة بالدايت .. ومش بينفع تنزل تمشي .. فقالت هتشتري حبل وتنط في البيت .. افتكرتك على طول وقلتلها طيب خلى بالك لا الجيران يبلغوا عنك البوليس :5fc0f220:
أنسيتم الجنة .. ربنا معاكي ومعانا ياقمر .. فعلا زي ما ميرنا قالت .. الأجازة قربت و كل واحد هينزل على بلده ..عايزين ننزل سمباتيكات .. وانتي ربنا يكرمك بنزول الوزن ونشوف أحلى عروسة لعام 2008 بإذن الله:d16c4689:
الابندا .. حبيبتي .. ازيك .. وحشاني كتيييييير.. ومبروك النص كيلو .. وفعلا لازم تحاولي تتعتعي النص كيلو ده شوية .. عايزين نضاعف مجهودنا بجد .. الصيف قرب واللبس الصيفي بيفضح .. وكمان الدهون بتخلي الواحد مش طايق نفسه من الحر .. مش عارفه بالنسبة للشاي الأخضر بالنكهات المختلفة .. معتقدش انه يأثر في الوزن يعني أصلها لا هيه سكريات ولا نشويات ولا دهون يعني مالهاش علاقه .. والا حد من البنات له رأي تاني :b6b25dc6:
ايمي .. حبيبتي .. سلامتكم كلكم وألف بعد الشر عليكم .. انتي كمان وحشاني قوي :4e5dd44a:
سكوووون .. حبيبة قلبي .. وحشاني يا قمر .. الله يعينك على ثبات الوزن ويقوي عزيمتك ويصبرك على ترك النشويات .. وشكرا على موضوع السعرات .. جميل وشامل بصراحة :6f428754:
لولوش .. حبيبتي..ازيك يا جميل ..شكرا على معلوماتك عن البوتاسيوم ونقص الفيتامينات فعلا ..الجسم بيحاول يعوض النقص أيا كان بأي شكل من الأشكال :64caf316:
كريستالة .. يا عسل مبرووووووك ال 2 ونص كيلو وعقبال الباقي بصحة وعافية يااااااارب:da4c2d5e:
ليلى .. حبيبتي .. طمنينا عليكي .. عملتي ايه عند الدكتور ؟؟ وفعلا حاولي تهدي نفسك شوية لأن الحالة النفسية لها تأثير كبير جدا على الموضوع ده..بيرو بتسلم عليكي كتير وانا قولتلها امبارح ودعتلك .. ربنا يطمنا عليكي يا قلبي..
حلم الماضي .. ازيك يا جميل .. مبروووك النص كيلو وفي انتظار المزيد من النقصان :0eeeff42:
دمعة أسي .. ايه يا جميل .. مشاركاتكم قلت كتير عن الأول وكنت بحب أقرا يومياتكم .. أنا كمان قصرت معاكم الأسبوع ده ..والنتيجة كان اسبوع مضروب والحمدلله ربنا ستر والوزن مزادش..:70bff581:
خديجة .. وحشااااااااااني يا عسل .. سلامتك ألف سلامة .. ربنا يطمنا عليكي :4e5dd44a:
ام البنات .. السنيورا .. فينكم مختفيين ليه يا قمرات .. عل المانع خير :b048a2d2:
أشوفكم بخير يا بنوتااااااااات .. وياريت نحاول كده نرجع الحماس بتاع زمان .. لأني حاسة بكسل :4fd9f2d3: ,كابتن فوفو عايز همة :0eeeff42:.. حيوية :70bff581:.. نشااااااااااط :3ca8b998::55318906:..
كتبت :
ميرنا
-
السلام عليكم
وحشتوووووني كلكم
أهلاً يا فووفوو بعودتك ، فعلاً لك وحشة يا قمر
الحمد لله ، انا رجعت انتظمت تاني ، رياضة صباحية وبحاول ايضا تكون مسائية عشان نعوض الاسبوع المهبب!!
فووفوو فعلاً انا لما اسهر اجوع ، فحاولي ما تسهري كثير او بالكثير الساعة 10 مثلاً ولو جعتي ممكن خس او خيار
انا مرات بحس نفسي برعى هههههههه وانا باكل خس وخصوصاً لما اكون بنفس الوقت برضّع هههههه طبعاً فهمتوا انا قصدت زي ايه خخخخخخخ!!
اخبار باقي الوردات ايه؟؟؟ يا ترى الكل لسه ماشي صح؟؟
طمنوني عليكم
ليلى : انا بعثت رسالة لك على الخاص ، ارجو ان تطمنينا على صحتك
سلام للجميع
وحشتوووووني كلكم
أهلاً يا فووفوو بعودتك ، فعلاً لك وحشة يا قمر
الحمد لله ، انا رجعت انتظمت تاني ، رياضة صباحية وبحاول ايضا تكون مسائية عشان نعوض الاسبوع المهبب!!
فووفوو فعلاً انا لما اسهر اجوع ، فحاولي ما تسهري كثير او بالكثير الساعة 10 مثلاً ولو جعتي ممكن خس او خيار
انا مرات بحس نفسي برعى هههههههه وانا باكل خس وخصوصاً لما اكون بنفس الوقت برضّع هههههه طبعاً فهمتوا انا قصدت زي ايه خخخخخخخ!!
اخبار باقي الوردات ايه؟؟؟ يا ترى الكل لسه ماشي صح؟؟
طمنوني عليكم
ليلى : انا بعثت رسالة لك على الخاص ، ارجو ان تطمنينا على صحتك
سلام للجميع