رجيم رائع 15 كيلو في 20 يوم

بسم الله الرحم الرحيم السلام عليكم كيفكم ان شاء الله بخير هذا رجيم حصلته في احد المنتديات وان شاء الله من اليوم بديت فيه وكل نهاية اسبوع بحط...

مجتمع رجيم / أرشيف رجيم
الغلاكله
اخر تحديث
رجيم رائع 15 كيلو في 20 يوم

بسم الله الرحم الرحيم

السلام عليكم كيفكم ان شاء الله بخير

هذا رجيم حصلته في احد المنتديات

وان شاء الله من اليوم بديت فيه وكل نهاية اسبوع بحط النتيجه الي تبغى تبدا معاي حياها الله



انا اليوم قست وزني 62 وطولي 155

تفضلو الرجيم
تقول الأخت التي جربت الريجيم :
أخيراً يابنات نزل وزني في 20 يوم 15 كيلو !
اقول لكم قصتي أنا ما خليت ريجيم ماجربته جربت غصن بان الكويت وما نفع وصار لي مضاعفات بعدة لا وطعمة يلوع الكبد ونصحوني كثير بالحبوب اللي تسد الشهية والله وانا اختكم رحت وشريتها العلبة بـ 200 ونفس الشئ مانفع وجربت ريجيم الشوربة هم مانفع وجربت الريجيم الكيميائي ورجعت دبل بعد ماتركته اهئ اهئ
الين ماحصلت هالريجيم من وحدة تقرب لي من زمان ما شفتها وقالوا لي انها تغيرت صارت رشيقة وانا اعرفها منفوخـــــة عالعموم ماصدقت لين شفتها ضعيييييفة ماتصدقون وعزمت اسوي ريجيمها اللي جابتها من وحدة كانت منفوخة وضعفت عالعموم هالريجيم صار كأنة وصية كل وحدة تعطية الثانية وراحت قريبتي وسئلت دكتورة معروفة في منطقتنا وقالت لها هالريجيم زين أنصحك فيه مع الرياضة طبعاً .... عالعموم أنا سويته 20 يوم طبعاً أول أسبوع تحسين أنج خفيتي بس أنصحك إذا جعتي كلي علك خالي من السكر وفي منه أنواع أنا عني أستخدم علكة نوفا بالنعناع عالعموم نزلت عليه كلن أستغرب ويقولون سبحان مغير الأحوال هالمنفوخة صارت كذا أنا كان وزني 80 صار 65 وكله أشياء موجودة بالبيت وأعذروني طولت عليكم وكاهو الريجيم


السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع الشاهي ولا نقطة هههههه تعذيب صح ) عالعموم اللي يبي الدح مايقول أح ...
الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )
العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال )
الأحد . الأفطار . 2 بيضة مسلوقة مع شاي ( بدون سكر الا من سكر الريجيم )
الغدا . سمكة مشوية كبيرة + صحن سلطة خضراء ..
العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )
الاثنين . الافطار . بيضة مسلوقة + برتقاله + شاي أو قهوة
الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...
العشا . كوب حليب قليل الدسم ويفضل منزوع + شابورة ( بر ) ...
الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .
الغدا . نوع واح من الفاكهة ... ( أنا كنت آكل التفاح ) ......
العشا . لبن قليل الدسم مع توست ( بريد بر )
الاربعاء . الافطار . 7 حبات تمر مع قهوة طبعاً مو شاي
الغدا . دجاج مشوي بدون جلد غير محدود الكمية .
العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية جبنة فيتا قليلة الدسم علشان يلينة ) ...
الخميس . الافطار . مفتوح الغدا . مفتوح
العشا . مفتوح
الجمعة . الافطار . جبن قليل الدسم + 2/1 خبزة + عصير برتقال ...
الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..
عالعموم أنتي بس سوية عشرين يوم يعني أسبوعي و6 أيام = 3 أسابيع وروحي الدوااام وأنتي مستانسة وقولي عذاري ماقالت .. رهيييب واذا حسيتي بالجوع مررة بين الوجبات كلي هوى أقصد كلي تفاحة

يلا الي ودها تبدا معاي تقول 00003265.gif
ليلى1986
تسلمي حبيبتي انشاء ثنت وزنك مازاد بس عندي كم سؤال شو بريد بر عند الجوع اقدر اكل خيار وبدون رياضه شكرا لكي
الغلاكله
حبيبتي انا لسا ماجربته والله اليوم بديت اليو اول يوم ليا بس كثير جربوه ومره نفع ماعهم ومن ضمنهم صديقتي مع انه تقول حست شوي والخيار ايه اكليه بين الوجبات او التفاح بس انا اشوف اخيار افضل لان لتفاح كله سكريات
والبريد البر هو خبز البر وصديقتي كانت تاكل خبر بر عادي
ام ندوره
هلا اختي غلا
هنا قسم انظمة الرجيم وكتابتها فقط وليس قسم اليوميات او متبعات الرجيم
ف قسم ليوميات الرجيم ويوجد قسم للمسابقات وتتبعين الرجيم الي تبينه
وحبيت اخبرج لازم اغلق هذه اليوميات ولج تحياتي
الغلاكله
طيب مشكوره
الغلاكله
طيب ماتقدرين تنقلينه
الصفحات 1 2 

التالي

دبدوبه جديده :)

السابق

اللولب الهرموني يادكتوره

كلمات ذات علاقة
15 , 20 , يوم , رائع , رجيم , كيلو