class="quote">اقتباس : المشاركة التي أضيفت بواسطة جوجو 2008:
لسلام عليكم
كيف حالكم يا فريق الازرق
انا مش عارفه اتواصل معكم كويس عشان مش عارفه ادخل كتير
المهم انا نظام الريجيم بتاعي هو نظام حياه بأحاول اغير عاداتنا الغذائيه كلها
خاصه انا زوجي عمل تحليل وطلع السكر عنده عالي وكمان الكوليسترول ادعو له ربنا يشفيه
مع ان زوجي اكبر مني بكام شهر يعني عنده 32 سنه فطبعا دي عادات غذائيه خاطئه
خاصه هو بيحب الاكل دسم لكن خلاص بقي انا غيرت نظام الطبيخ كله وكمان بقيت بحدد له كميه الاكل صحتنا مش لعبه دي امانه
انتم عارفين انا خايفه احلل بس هأحلل بس لما امشي شويه في الريجيم وربنا يستر
المهم انا اصلا ما كنتش باطبخ بدهون اكلات كتير ذي الفراخ واللحمه وبكتفي بالدهون اللي فيها لكن دلوقت بقيت بأشيل جلد الفراخ قبل الطهي ودهون اللحمه كمان هأشيلها كمان المكرونه النهارده عملتها ب3 ملاعق زيت زيتون بعد ما كنت بأعملها بزيت ذره كتير كانت بتبقي بتلمع من الزيت علي فكره الاكل ممكن يبقي جميل بالتوابل والبصل والثوم والليمون واحلي حاجه ان النظام ده مش هيزهق فهتقدري تستمري عليه وربنا يوصلنا لهدفنا يارب بصحه
الف سلامه عليه يا توتا ربنا يشفيه ويعافيه يارب
بصى انا امى كمان عندها السكر ولكن احنا فى نظام الطبيخ كله مش بنحط زيوت الا ملعقه واحده بس
حتى الخضروات يا حبيبتى اعملها مرته مش تحمرى البصله بقى وكدا لا حطى الخضار عالبصل علطول
وكمان لازم الرياضه لو المشى
وربنا يخليهولك يارب
