خلاص قررت أصير رشيقة (( 2 ))

مجتمع رجيم / أرشيف رجيم

كتبت : ضبي الريم

مس شوشو .. هذا وانا حارمة نفسي ووزني مو راضي يتغير

لو آكلها وش يصير ؟!

.
.

ضايق صدري بقووووة وربي فيني العبرة من القهر

ليش كذا يعني بنشرت !!

يا بنات .. علشان ما أضيق صدركم معاي .. بترككم كم يوم

وماني راجعة الا بالعلوم الزينة ان شااء الله

كم يوم بس .. اذا شفت وزني تغير ع الميزان بجي وببشركم

ولا حد يحش فيني بغيابي تراني متابعة بصمت

ام تالين يا أمنا كلنا .. ما أوصيك على خواتي

في امان الله

كتبت : لمعة جليد

الله يعطيكم العافية يابنات
شدوا حيلكم وبالصبر وبالارادة
ان شاء الله وبعون الله تاصلون
للوزن اللي تبووون

كتبت : شجن555

هلا وغلا

ابي انحف

تكفون مااكل واجد بس بعد الولاده سمنت وزني الحين 61وربي راح اطق

نفسيتي تعبانه ع الاخر ومشكلتي ارضع وعندي كسل بالغده واستخدم الحبوب يعني اوكيه منتظمه الغده الحمد لله

ابي معكم مومهم اقعد اخر الفصل بس انحف

كتبت : أم تالين

ضبي الريم وين رايحه انتي وخشتك

وبعدين وش يعني لما يثبت وزنك وانتي تسوين دايت

اكسري وزنك بوجبه حلوووه عشان تتحرك عندك عملية الايض

يعني تروحين انتي بعد وابلى تبسم راحت عشان الامتحان وش اسوي بنفسي تهئ تهئ تهئ

عادي ياريووووومه اذا مانزل وزنك في الاسبوع وثبت

طيعيني وكلي لك وجبه تحبها نفسك

تعالي فينيسيا مووووول وخذي لك وجبه من مطعم لايتي وغيري جووووووووووو عشان تتعدل النفسيه

انا اذا طفشت رحت هنك واخذت لي وجبه وش نسوي ونغير جوووووووووووو انا وزوجي اللي جالس يسوي دايت وهو مداوم وتعرفون شغل العسكريه مافيها دلع

فديت قلبه

وماشاء الله عليه نقص 8 كيلوو عنده ارادة وشكله بيخلص واانا باقي مكانك سر ههههههههههههههههه

انا يابنات عندي مغص وتعبانه مره ماقدرت انام ولا اسوي رياضه مدري وش جاني مع اني ماخبصت من بداية الاسبوع مررررررره

مس شوشو معاك حق لازم الواحد مايحرم نفسه حتى لو كانت كبسه وش نسوي لازم نذوق اذا اشتهينا بعدين يطق فينا عرق ههههههههههههههه

شجن ماشاء الله تبارك الله وزنك 61 كيلووو وانتي نفاس وخارجه من تجربة ولاده وبعد كسل الغدة يعني ماشاء الله حلووووووووو وزنك مره ليش تقولين متحطمه

انا عندي كسل الغدة وماحملت ووزني وصل 81 كيلوووووووووووو

مع انها انتظمت بس رفض ينزل وزني الا بعد سنه واربع شهور على العلاج والا قبل رفض ينزل مع جميع المحاولات

كم طولك عشان اشوف ليش زعلانه من وزنك ياللا اكتبي واشووووووووووووووف

كتبت : نسائم الإيمان

صباااااااح الخير صباح الحب والامل والتفاؤل صبااااح الرشاقة والبنات الحلوااااات
كيفكم يالغاليات وش اخباركم

class="quote">اقتباس : المشاركة التي أضيفت بواسطة ضبي الريم:
مس شوشو .. هذا وانا حارمة نفسي ووزني مو راضي يتغير

لو آكلها وش يصير ؟!

.
.

ضايق صدري بقووووة وربي فيني العبرة من القهر

ليش كذا يعني بنشرت !!

يا بنات .. علشان ما أضيق صدركم معاي .. بترككم كم يوم

وماني راجعة الا بالعلوم الزينة ان شااء الله

كم يوم بس .. اذا شفت وزني تغير ع الميزان بجي وببشركم

ولا حد يحش فيني بغيابي تراني متابعة بصمت

ام تالين يا أمنا كلنا .. ما أوصيك على خواتي

في امان الله

افااااااااا ياريومه افا ياذا العلم مهيب هي لييييه تخلينا

وين الحماس وين القوة وين البدلة اللي شريتيها وتبين تلبسينها
كل هذا نسيتيه علشان شوية كبسة لا راحت ولا جت شوفيني وانا اختك كل يوم اجي من دوامي وضبط الكبسات اشكال والوان
مره برياني مرة بخاري مره مندي ولا المسها بس امس بغيت استسلم قمت اخذت صحن صغير حطيت فية ست ملاعق اكل رز وصدر دجاج وسلطة زبادي بالخيار
وجلست مع زوجي وعيالي على السفرة وكليت بشويش الين خلصت صحني وقمت كاني ماكلة الكبسة كلها عشان ماحسس نفسي بالحرمان طبعاً اول مره اسويها
صار لي شهرين ماطب الرز بفمي بس يوم حسيت اني خلاص بديت انهار تذكرت ان الرجيم اللي عندي من ضمن الاختيارات حقت الغدا انك تاكلين نص كاس رز او مكرونه
بس انا كنت مكنسلته عشان ابغى انحف بسرعة
ليييه ياصديقتي تروحين

وتسيبينا لمييييين حرااااام عليك ام تالين ماتقدر على هالطالبات لحالها تبي احد يساعدها

كتبت : نسائم الإيمان

ام تالين ياقلبي انتي الله يعينك على هالمسؤولية
ربي يبارك فيك ماشاء الله على هالحماس ان شاء الله دووم
بصراحة ابلة تبسم عرفت تختار مو من اول مختاره بعض الناس اللي يخقون قدام شوية كبسة
,
,
,
ريومه نسيتي يوم تقوليين في الفصل القديم لوحده من البنات اذا شفتي شي تحبينه قولي مااحبك
والله كنت اسوييها نسيتي الكيكة اللي ماكلتيها
اييييييية يالدنيا

مادايم الا وجهه
آآآآه
طالبتك ياريومه ارجعي لليوميات القديمه واقريها وان شاء الله يرجعلك الحماس
ياللا خلينا نشوف يومياتك بلا دلع بنات ياللا

خلاص قررت أصير رشيقة (( 2 ))

مجتمع رجيم / أرشيف رجيم

نـــــادي▌▌♂۩ ⌡∫√™∫⌡ ۩¦|غيـرِي حيـآإآتـڪ معنـآإآ ¦|¦۩ ®√∫▌

مسيرتي الجديدة بتجربة انواع الريجيمات- والي تحب تجرب تدخل