السلام عليكم
عيدكم مبااااارك وعساكم من عواده
ان شاء الله يتقبل الله كل صيامنه
---
ان شاء الله عقب العيد وبدايه دوامي يوم الاثنين
ببدا فريجيم وهو تخفيف فالاكل - بجربه لمده اسبوع - بشوف اذا نزلت فيه
اذا نزلت بكمل ع الاسبوع الثاني واذا لا بجرب رجيم ثاني ^_____^
---
انا وزني حاليا 105
وابيه فهالشهر ينزل ان شاء الله ل 100
---
تغييراتي في اكلي بكون:
الخبز العادي----> بكون خبز اسمر
العصير وقت الاكل -----> ماي او شاي اخضر
وقت العشا ----> باكل زبادي او شوربه الملفوف
الماي 6 اكواب فاليوم
بلف بطني بمشد الاندونيسي وبرصه عشان ماروم اكل زود ووو مايوع بسرعه
<<< اول مره اجرب هالشي لانه يقولون المشد يستخدمونه اكثر شي اللي توهم مربين عشان يشدون بطنهم
وبعد امي يت قالت لي عن برنامج يتكلم عن ربط المعده .. بدال ما تسوين عمليه ربط معده .. تلفين بطنج بخلقه وترصينها شوي شوي وهي تساوي عمليه الربط
--
^____^ اتمنى انكم تشجعوني .. لانه ارادتي جدا ضعيفه واذا ضقت من شي ع طول اعاند نفسي واذيها فالاكل
وخبروني اللي عندهم خبره اني امشي صح ع هالرجيم ولالاء
--
بلاقيكم عقب باجر باول يووم لي وشو سويت فيه ... ردودي بتكون فليل وبكتب فيها شو سويت في طول اليوم
^_____^