متأزمه من ثبات وزني حتى مع رجيم التمر واللبن سآآعدووني

السلام عليكم



حبايب قلبي انتم والله تراااني معاكم بالمنتدى بس من بعيد لبعيد عاد الحين حسيت متأزمه فقلت بسألكمـ


أنا عندي كم كيلو زايدين حول 6 الى 7 كيالو ابي ارووحهم عاد انا امارس الرياضه بشكل يوومي ماعدا الويكند الرياضه ماتنزل وزني مع الاكل تزيده
يعني لو يوم أخبص اكل يبن على طول يبين يوم ثاني المحرك حق الميزان يتراقص لي بالزياااده عاد قلت فرصه دامني اسوي رياضه اسوي رجيم التمر واللبن
لاني حابته وحاسته يجنن ومقتنعه فيه وغير كذا مفعوله سريع عندنا مناسبات زواج ورى بعض
قوية العزيمه وبديت فيه السبت وماشيه عليه تمام التمام مع الاكثار من شرب الماي ومره مرتين على حسب شاي اخضر كل يوم اوزن ومافي تغير لا بالجسم ولا بالميزان ليوم الاربعاء وكل يوم اقول بيتغير ولا في تغير
ثابت ثابت عااد يوم الاربعاء ولا كملته 5 ايام ولاتغير الوزن ثابت بعدها من القهر خربطت وبين بالوزن انه زايده نص
وربي احبااااااااااط طيب شسوي وجربت تقليل الاكل يضل ثاابت يزيد بس ماينقص
علمووني شسوي

حبي يمكن الميزان خرباااان>>>اعطي امل
شوفي ملايسك اذا وسعت اعرفي انك نزلتي
وانا اعرف وحده زيك من قريباتي وزنها 58 وسوت رجيم مو اي رجيم صامت ومانزل الا كيلو تخيلي ولما سالت دكتوره قالت لازم في البطن اكل عشان يحرق اذا فاضي جسمك من الاكل اجل مافي طاقه تحرق
وربك يسهل ..ويمكن وزن العضلات عندك لانك تسوي رياضه
بصراحه انا اذا سويت رياضه يزيد وزني؟؟

يااقلبي وين مافي شئ متغير غير جسمي منشد ولا قياس الملابس مثل ماهم

وبالضبط وزني 58 هذا قبل الرياضه ومن سويت الرياضه بيصير لي شهر هالحين وزاد 59 ونص ومو بسهوله ابد ينزل جربت قبل صمت كم يوم اقضي يومي على شرب الماي مدة اسبوع ومانزل ولا كيلو

عاد قمة الاحبااط مع اني جدا حركية وودي اوصل وزني الى 54 او 53 مافي رجيم اتبعه له مفعوول ؟؟؟؟؟؟؟؟

اذاااااااااااااااااااا لقيتى حل انقذينى تكفين

نفسك المشكله نزلت لحد 57
ومن قووووووووووووه الحماس الى فينى صرت ما اكل الا وجبه باليوم ورياضه نص سااعه

ومع ذالك وزنى زاد الاسبوع هذا كيلو ونص وربي احباااااط


وش السوووووووووووووووووووووات

بعض رددوو من الاخوات في منتدى ثااااااااااااني

إسمعي مني بس ..

هذه تسمى خاصية الجمل ..

أي أن الجسم يحتفظ بالدهون عند قلة الأكل لعند الحاجه ..

( يعني الجسم ذكي يحسب فيه مجاعه خارجية فيحتفظ بالدهون علشان مايستنزفها الجسم إلا عند الحاجه القصوى !! )

علشان كذا إتبعي ناظم غذائي متوازن يحتوي على ..

الدهون بكمية قيلية جدا جدا جدا ..

النشويات بكمية قليله أيضا

البروتينات بكمية متوازنه ..

الفواكه والخضروات والسلطات والماء بكميات كبيرة ..

جربي إسبوع مع المشي لمدة ساعه يوميا أو على الأوربتراك وغذا مانحفتي على الأقل كيلو علميني ..

بعد أسبوع واحد أنتظر نتيجتك هاه ؟؟!!




[COLOR="Blue"هلا حبيبتي
وقفي رجيمك القاسي بدون عوده

لازم الشخص يأكل عشان يحفز الهرمونات الهاضمه .... أنتي مجوعه نفسك لذلك جسمك مفتكر أن هناك حالة قحط .. يعني لو تأكلي تفاحه وحده بس في اليوم كله ما راح يهضمه أبدا راح على طول يخزنها
لما الأنسان يجوع وما يأكل ... الدماغ يرسل سيالات عصبيه للجسم ليأمره بوقف أنتاج الهرمونات الهاضمه ومحاوله تخزين الطعام قدر المستطاع ...

لذلك أنتي الحين مجوعه نفسك وضاره جسمك ومو نازله وزنك

الحل ....
حاولي تأكلي كل 3 ساعات على الأقل ... عشان الدماغ يدرك أن ما في حاله قحط وخلي الجسم يشتغل طبيعي وراح ينزل وزنك من ثالث يوم
....لان
أول يوم الدماغ بيكون بعده ما يستوعب أن الوضع رجع طبيعي فراح يستمر في التخزين في اليوم الأول ... فيمكن راح يزيد وزنك كيلو ((راح يصير 55 كيلو
مثلا في حاله أن وزنك ثابت على 54 ))
اليوم الثاني ... الدماغ راح يرجع الأمور طبيعيه لأنه راح يشوف أن الأكل يدخل الجسم بستمرار .. فراح ينقص وزنك الكيلو اللي زاده اليوم الأول ((54 كيلو ))
واليوم الثالث راح ينزل بشكل طبيعي (( راح يصير53.5 كيلو مثلا ))

يعني لو بدأتي من بكره بترك الرجيم القاسي و الأكل كل ساعتين أو ثلاث ساعات ... نصيحه لا توزني إلا في اليوم الثالث أو الرابع عشان تشوفي الفرق في الوزن

يمكن تقولي لي ويش أكل ؟
**أقترح عليك :
الصباح (( الساعه 11 مثلا )) ... كاس حليب
الساعه 2 ..... تفاحه
الساعه 5 .... سلطه
الساعة 8 ..... شوربه
الساعه 11 الليل ..... زبادي

كلها أشياء خفيفه السعرات وهم تغذي الجسم وهم تخلي الهرمونات الهاضمه ترجع تشتغل

و أتمنى أنك فهمتي ليش وزنك ثابت .. و أنك تحاولي تغيري الطريقه القاسيه على جسمك
وبشريني بعد أسبوع عن وزنك
بالتوفيق
][/COLOR]


اتمنى تستفيدي مثل ماستفدت