مجتمع رجيمتجارب الرجيم الناجحة

تجربتي مع الرجيمات الكيميائية و يوميات رجيمي الحالي

السلام عليكم يا بنات
انا تاج من الاردن .
اليوم اول يوم الي في المنتدى والصراحة قررت اشترك اليوم حتى افيد الصبايا الي يرغبن بوزن مثالي و جربو كتير و ما وصلو الا لزيادة في وزنهم و احباطات متراكمةلاني كنت اضلل متل غيري بكمية المعلومات الغريبة الي على النت بخصوص الرجيم و عملية انقاص الوزن و كنت محتاجة لوقفة مع الحقيقة و كنت بحاجة لشخص يدلني ع الطريق الصحيح الي كان ممكن يوفر علي معاناة سنتين مع الرجيمات المتنوعة
بالبداية رح اخبركم قصتي و كيف بلشت اعاني من السمنة
طبيعة حياتي كانت نشطة .. امشي كتير و اتحرك كتير لحد اليوم الي خطبت فيه !!!
بدات حياتي بالتغيير ..صرت اتواجد بالبيت كتير كون خطيبي دايما قاعد عندي و مبسط !! و طبايخ رايحة و طبايخ فايتة .. و كوني بحب الحلو كان يجيبلي معه ما لذ و طاب من قوالب الحلو تشيز كيك على تشوكلت موس على كاسترد باي !!!
كنت 52 و خلال تسع اشهر الخطبة صرت 56
كانت زيادة وزني محبطة و خصوصي يوم عرسي كنت بطة وانا طولي ع فكرة 162
المهم بسبب الجو الغير مشجع بالبيت عالنحافة ما قدرت انحف شي
اليوم و بعد سنتين من الزواج وزني 67
مع اني لسا ما انجبت يعني صرت بوزن وحدة حامل !!!
طبعا هالزيادة كلها يا حلوات كانت بسبب شكل الحياة الخاملة و تركي للوظيفة ..و طبعا لما تكوني طول الوقت بالبيت بدك تتفششي بالطبخ و الاكل و تستني زوجك يروح من شغله مشان تبلش حفلات الاكل الليلية ...وجبتنا الاساسية صارت العشا و السحور ههههههههه
و لما وصلت الستين بلشت اعمل روجيمات
و متل الكل كنت بدور عالعناوين الرنانة ..10 كيلو في اسبوعين ....افقدي خمسة كيلو في خمسة ايام
رجيم الدكتور فلان لحرق الدهون ..نظام الدكتورة فلانة السحري
و طبعا الخلطات و الخرابيط لا غنى عنها ...النتيجة شو يا صديقاتي ؟؟
الي اخسره ازيد ضعفه خلال اقل من شهر
اخسر خمسة ...اكسب عشرة و هكذا

طبعا دون رياضة و لا تغيير في شكل الحياة
صرت اكره نزلة السوق ..و كنت معروفة باناقتي و لبسي كان كله فساتين و تنانير انثوية صار بنطلونات واسعة و قمصان طويلة لتغطي كل الضخامة الي انا فيها
حتى علاقتي الزوجية تغيرت صرت اخجل من شكل جسمي و اخلي الضو مطفي طول الوقت !!!
و بالبيت ما عدت البس ملابس تكشف رجلي ..دايما بالبجامة الفضفاضة ..و هاد كان يخليني ع طول مش واثقة بنفسي
و دايما اسال زوجي : بعدك بتحبني ؟
و هو ما عمره علق ع جسمي بس بحس في بعيونه استغراب من وزني و شكلي
و بس نطلع مناسبة الكل بيتفاجا من شكلي الجديد خصوصا وجهي الي انتفخ و صار مدور
المهم
صديقاتي احذروا من الرجيمات الكيميائية
خسارتنا للوزن هي خسارة وهمية كلها ماء و بروتين انسجة العضلات
و هاد مضر جدا لانه كتلتك العضلية عم تقل و بالتالي فمعدل حرق جسمك للسعرات عم يقل فبس ترجعي لنظامك الغذائي المعتاد رح تكون تفوق بكثير معدل حرقك للسعرات !!
قبل اسبوع قررت اعمل تغيير جذري
و قررت استفيد من كل الفشل المتكرر الي صادفته خلال السنة الماضية في محاولة خسارة الوزن
و قرات كتير عن الموضوع و بدات من خمس ايام بنظام جديد و الحمد لله عم بحس انه انا ع بداية الطريق الصحيح
بدات قبل بداية النظام باسبوع بالمشي ساعة داخل صالة البيت ..حتى انمي عضلات و استعيد معدل حرقي الطبيعي
و بعدها
بدات رجيمي قبل خمس ايام ح اقلكم شو الاشيا الي اتبعتها لتصميم نظامي
اولا كل الف كالوري تخسريها = كيلو خسارة دهون اسبوعيا
فحسبت حاجة جسمي للكالوريات عن طريق المعادلة التالية .. 1.3 *24(ساعات اليوم) * وزني بالكيلو
و طلعت النتيجة 1800 كالوري
فقررت اعمل حصتي اليومية 600 كالوري !!! طب ليش عملت هيك
ببساطة لاني بعرف حالي رح اخربط اخر النهار و اتجاوز عدد الكالوريات فتاركة هامش 200 كالوري
و بعدها بلشت الرياضة بالمشي لانه الرياضات الي ما بتسبب ارتفاع في عدد ضربات القلب تكون فعالة اكتر في انقاص مؤشر الكتلة للدهون
طبعا هاد لا يعني اني رح امارس رياضة مجهدة في مرحلة مقبلة من النظام
ساعة المشي = 200_250 كالوري حسب سرعتك
و انا الان عاملة برنامج مشي لطيف
عم بمشي اربع مرات باليوم
عالتسعة صباحا
و 12 و ع الساعة 3 عصر و عالساعة 6 مساء
كل مرة عم بمشي ساعة و ربع
جوا الصالة بالبيت ..ابدا بعد اول يومين مشي رح تبطل مرهقة و حتصير ممتعة جدا
و من اليوم بلشت ارقص زومبا عشر دقايق الصبح و المسا
الحلو في نظام الكالوريات انه انتي بتقرري شو تاكلي و متى
بمعنى انه لو اجا عبالك تاكلي قطعة شكلاته بعد ما تحسبيها رح تبطلي لانه حتجوعك عالغدا او العشا
فحتحسي انه لا بلاها
كمان بتقدري تاكلي من اكل البيت الي بتحبيه
بس تحسبيه من حصتك اليومية
فبالتالي ما في ممنوعات ابدا ...الفكرة بالكميات ممكن اكل بطاطا و بسكوت و الي بدي اياه ما دام ضمن حصتي
طبعا ما تنسو تشربو كاسة مي دافية عالريق
و كل ما قررتو تاكلو قبلها بشوي
مي كتير كتير
و اذا دافية بكون احسن
انا كنت ما اطيقها اول يومين هلا كل ما بمرق بالمطبخ بصب كاسة مي دافية من الهيتر و بشربها

اليوم بعد خمس ايام من الرجيم وزني 65.5 خسر كيلو و نص
و حكمل و ححط كل يوم وزني الجديد
و انشا الله قبل رمضان حوصل للوزن الي احلم فيه 52
الله يبلغنا و اياكم رمضان بخير
و اي استفسارات او مساعدة بجداول الكالوريات او بشكل النظام الرياضي انا متوفرة
كونوا بخير يا حلوات
و ر
السلام عليكم ورحمة الله

الله يوفقك ويعينك على الوصول لهدفك

برنامج أظن رجيم السعيرات وهو يشبه رجيم النقاط غير أنه تم تحويل السعيرات لنقاط مع حساب البروتين والألباف أيضا


هذا رابط لأخت وضعته من مدة بالتفصيل رائع جدا

http://forum.rjeem.com/t154205.html
مشكورة جووى
ع الاكيد حطلع عليه و استفيد من الي بحسه مناسب الي يا وردة
بارك الله فيك على طرح تجربتك مع الرجيمات
وان شاء الله توصلى للوزن الى انت عايزاه

منوووووووووره تاج هلا وغلا بيكي

ان شاء الله توصلي لوزن المطلوب
تجربة رائعة ياقلبي
ان شاء الله توصلي للمثالي
كلمات ذات علاقة
الحالي , الريجمات , الكيميائية , تجربتي , يوميات , رجيمي