نزول من 25 الى 28 كيلو في 3 شهور ( تكفين مشرفتنا لاتحذفين الموضوع )

السلام عليكم
قبل كل شيء اتمنى من المشرفه ان ماتحذف الموضوع لأن في مجموعه جديده راح تبتدي

نبغى تكاتف وتشجيع ولاتخافون الرجيم انا اتبعته مع دكتور
ونتائجه مذهله

الرجيم اللي راح اكتبه الحين لمدة اسبوعين وكل مانخلص اسبوعين راح انزل حقت الاسبوعين الجديده
ورجيم اول اسبوعين ينزل من 5 الى 8 كيلو يعني كل مازاد مجهودك كل مانزلتي اكثر
الدكتور يقول لازم المشي اقل شي نص ساعه
يابنات المشي احسن من الرياضه لأن الرياضه تثقل العضل وفي الميزان مايبين النزول تمام
وثاني شي الرياضه اذا تركناها يترهل الجسم فالمشي احسن شي
هذا كلام مدربه قالت لي اعتبري الرياضه للعمر كله اما اذا تركتيها راح يرتخي جسمك ويترهل
ادري قرقرت كثير بس والله ماكتبت لكم إلا عشان الفائده
ولاتنسون اخر نظام انزله راح يكون لتثبيت الوزن ان شاءالله

نرجع للنظام وهو كالتالي
الفطور اليومي لمدة اسبوعين

الفطور ... كوب شاي او حليب قليل الدسم + قطعتين شابوره او ربع رغيف خبز ( لكِ حرية الإختيار )


الغداء ... كوب ماء + سلطة خضار + لحم مشوي او دجاج مشوي او تونه او حبتين الى 3 حبات بيض + حبه برتقاله او تفاحه
( لكِ حرية الإختيار من اللحوم نوع واحد اللحوم لازم تكون مشويه) اكلي حتى الإحساس بالشبع ماعدا البيض من 2 الى 3 حبات

العشاء ... كوب ماء + زبادي قليل الدسم + قطعتين شابوره او ربع رغيف خبز + حبه تفاحه

المسموح في وقت الجوع >

خس - خيار- جزر - عصير جريب فروت - شاي - قهوه - عصير ليمون - سفن دايت - تفاح - برتقال - حليب او لبن قليل الدسم

الممنوعات >

كلكم تعرفونها أي شيء مو مذكور أكله يعني ممنوع
بنات أي استفسار انا حاضره

يلا نبغى تشجيع انتظركم بنااااااااااااات

اليوم بدأت
وزني الحالي 72
الهدف 65

فطرت 2 شابوره حب + كوب حليب قليل الدسم
واللي ماتحب الحليب تشرب شاهي بس كمية السكر تكون قليله
انا ما احب سكر الرجيم فأستخدم السكر العادي

هذا فيتامين رآآآآآآآآآآآآآآآآئع بمعنى الكلمه
مايصير تساقط فترة الرجيم ولاشحوب بالبشره ولادوخه
هذا اسمه

فيتامينات 2000 natura- vigor
مو من عندي لاتخافون كتبه لي الدكتور وهو مكمل غذائي يساعد مع الرجيم
وصدقوني بنات اذا ما استخدمتم فيتامين راح تجيكم دوخه وصداع وتساقط بالشعر وشحوب
وراح توقفون الرجيم انا مع الرجيم ما استغني عن الفيتامين

شدو الهمه بنات نبغى العيد يجي واحنا غيييييييييييييير ان شاءالله

ولاتنسون هذه العباره

( متعة الأكل لحظة ومتعة الرشاقه طول العمر )

أحلى طيوووووبة والله ... بس يا ريت ما تهملي اليوميات ...
أنا راح أنضم معك ..
ويااااااااا ريت المشرفات ما يحزفوا الموضوع ...
وزني : 91.100
وهدفي الأول : 86
يلااااااااا نتحدى بعض ...
أنا نظامي التخفيف .. ما بحب أتبع نوع ريجيم محدد لأني بعد فترة صغيرة بمل
وأحسن طريقة بلاقيها مناسبة الي التخفيف .. باكل من أكل البيت بس ما باكل حلو ومشروبات غازية وخبز أبيض ...
وان شاء الله كلنا ننحف بصحة وسلاااااااااامة